Yêrêmi 35:4 - Nau Brah Ndu Ngơi 2023

⁴ lăp tâm Brah ngih Yêhôva. Gâp njŭn leo khân păng lăp tâm jrô phung kon bu klâu Y-Hanan, kon bu klâu Y-Igdalia, bunuyh Brah Ndu, gŭ êp jrô phung kôranh, ta klơ jrô Y-Maseya, kon bu klâu Y-Salum, jêng nơm chiă njrăng mpông.

Yêrêmi 35:4 ပူးပေါင်းရင်းမြစ်များ

I Phung Hađăch 12:22

Ƀiălah geh nau Brah Ndu ngơi ma Y-Sêmaya, bunuyh Brah Ndu:

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

I Phung Hađăch 13:26

Tơlah nơm mbơh lor bu ranh, nơm hŏ ƀư ăn ma bunuyh Brah Ndu plơ̆ tay, tăng nau nây, păng lah pô aơ: “Nây jêng bunuyh Brah Ndu, hŏ mâu tông nau Brah Yêhôva ngơi. Yor ri, Brah Yêhôva hŏ jao bunuyh nây ăn yau mŭr sa hêk săk jăn jêh ri nkhĭt lơi păng, di tĭng nâm nau Brah Yêhôva ngơi jêh ma păng.”

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

II Phung Hađăch 1:9

Hađăch prơh du huê kôranh ma prăm jât bunuyh tahan djôt leo prăm jât bunuyh tahan păng hăn hao tâm mâp đah Y-Êli. Nôk nây, Y-Êli dôl gŭ ta klơ du n'gơn yôk. Kôranh nây lah ma păng: “Hơi bunuyh Brah Ndu, hađăch lah ma may: ‘Jŭr hom!’”

II Phung Hađăch 12:9

Kôranh ƀư brah Y-Jêhôida sŏk du mlâm hip, lôk trôm ta klơ ndrŭp, jêh nây dơm ta meng nơng ƀư brah, mpeh pa ma ntŭk lăp ngih Brah Yêhôva. Phung kôranh ƀư brah gak mpông ngih brah djôt leo tâm hip nây da dê lĕ rngôch prăk bu leo nhhơr tâm ngih Brah Yêhôva.

II Phung Hađăch 25:18

Kôranh phung tahan gak nhŭp kôranh ƀư brah toyh lơn Y-Sêraya, kôranh ƀư brah groi Y-Sêphania, jêh ri pe bunuyh mât chiă mpông ngih brah;

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

II Phung Hađăch 6:10

Pônây, hađăch Israel prơh bunuyh hăn tât ma ntŭk bunuyh Brah Ndu hŏ mbơh ma păng, jêh ri njrăng ta lĕ ntŭk nây. Y-Êlisê vay mbơh lor kơt nĕ, mâu di knŏng du tơ̆ mâu lah bar tơ̆.

II Phung Hađăch 7:17

Nôk nây, hađăch ntĭnh jêh ma kôranh rgong kơl jêng nơm păng nsing, chiă uănh mpông ƀon. Phung ƀon lan jot mpet păng khĭt ta mpông ƀon, di nâm nau bunuyh Brah Ndu hŏ lah lor jêh nôk hađăch hăn mâp păng.

II Phung Hađăch 7:2

Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

I Nau Rêh Jêng 9:27

Dôl măng, khân păng bê̆ch văr jŭm ngih Brah Ndu, yorlah khân păng geh nau kan gak; ăp ôi, khân păng geh nau kan pơk mpông pêr.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Yêrêmi 21:1

Aơ jêng nau Brah Yêhôva lah ma Y-Yêrêmi nôk hađăch Sêdêkia prơh Y-Pashur, kon bu klâu Y-Malkija, jêh ri Y-Sêphania, kon bu klâu kôranh ƀư brah Y-Maseya, tât ma păng jêh ri lah:

Yêrêmi 26:10

Dôl tăng nau nây, phung kôranh Yuđa du tă bơh ngih hađăch, hăn tât ma ngih Brah Yêhôva. Khân păng gŭ ta trong lăp Mpông Pêr Mhe ngih Brah Yêhôva.

Yêrêmi 35:3

Yor nây Gâp leo Y-Jasania, kon bu klâu Y-Yêrêmi, sau Y-Habasinia, phung oh nâu păng, lĕ rngôch phung kon bu klâu păng, jêh ri lĕ ngih Rêkap

Yêrêmi 52:24

Kôranh phung tahan gak nhŭp Y-Sêraya, kôranh ƀư brah toyh, jêh ri Y-Sêphania, groi kôranh ƀư brah, ndrel ma pe bunuyh mât chiă mpông ngih brah.

Êsêkiêl 40:38

Du mlâm jrô geh mpông êp lĕ jrŏng mpông pêr nây, jêng ntŭk bu rao ti lĕ ndơ ƀư brah gŭch.

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 3:17

gay ma bunuyh Brah Ndu geh nau gĭt blau jêh ri rơm ndrăp jêh ma lĕ kan ueh.

Yôsuê 14:6

Rnôk nây, phung kon sau Y-Yuđa hăn văch ma Y-Yôsuê ta Gilgal, jêh ri Y-Kalep, kon bu klâu Y-Jêphunê, phung Kênisit, lah ma păng pô aơ: “May gĭt nau Brah Yêhôva ngơi jêh ma Y-Môis, bunuyh Brah Ndu, ta Kadês Barnê tât ma may jêh ri gâp.

I Samuel 2:27

Geh du huê bunuyh Brah Ndu hăn tât gay lah ma Y-Êli: “Brah Yêhôva hŏ lah jêh kơt aơ: ‘Mâu hĕ gâp hŏ tâm mpơl rah vah jêh ma phung chô yau may, dôl khân păng hôm gŭ ta Êjipt, tâm dâng ngih hađăch Pharaôn?