Yêrêmi 34:20 - Nau Brah Ndu Ngơi 2023

²⁰ Gâp mra jao khân păng tâm ti phung rlăng jêh ri phung ŭch ngroh lơi nau rêh khân păng. Săk jăn khĭt khân păng mra ƀư ndơ sa ăn ma sĭm klơ trôk sa jêh ri ma mpô mpa bri ta klơ neh.

Yêrêmi 34:20 ပူးပေါင်းရင်းမြစ်များ

I Phung Hađăch 14:11

Mbu bunuyh ma ngih Y-Jêrôbôam khĭt tâm ƀon, so mra sa puăch, bi mbu moh khĭt tâm mir sĭm klơ trôk mra sa.’ Nĕ jêng nau Brah Yêhôva ngơi jêh.

I Phung Hađăch 16:4

Mbu nơm jêng bunuyh ngih Y-Baêsa khĭt tâm ƀon, so mra sa, bi mbu moh khĭt tâm mir, sĭm klơ trôk mra sa.”

Nau Mprơ Ơm 79:2

Khân păng hŏ klŭp jêh săk jăn khĭt phung oh mon May Ƀư jêng ndơ sa phung sĭm tâm trôk. Mƀăr đŏng mlay puăch phung răp jăp đah May ma phung mpa bri ta klơ neh.

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 12:9

Di lĕ drăp ndơn Gâp nâm bu sĭm joi mpa Geh phung sĭm joi mpa êng gŭ văr jŭm lĕ? Hăn rgum hom lĕ rngôch mpô mpa bri, Gay khân păng sa rvăn lơi păng!

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 22:25

Gâp mra jao may tâm ti phung ŭch ƀư mhĭk nau rêh may, tâm ti phung may klach, nây jêng tâm ti Nêbukatnetsar, hađăch Babilôn jêh ri tâm ti bunuyh Kaldê.

Yêrêmi 38:16

Hađăch Sêdêkia ton săk ma nau ndâp ma Y-Yêrêmi pô aơ: “Tĭng nâm Brah Yêhôva gŭ rêh mro mrăng, jêng Nơm hŏ rhăk njêng jêh huêng he, gâp mâu mra nkhĭt may ôh, jêh ri mâu jao may ma ti phung joi ngroh lơi nau rêh may ôh.”

Yêrêmi 39:6

Hađăch Babilôn nkhĭt phung kon bu klâu Y-Sêdêkia tanăp măt hađăch nây ta ƀon Ribla; hađăch Babilôn đă nkhĭt đŏng lĕ rngôch phung kôranh Yuđa.

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Yêrêmi 44:30

Brah Yêhôva lah: ‘Aơ, Gâp mra jao Pharaôn Hôphra, hađăch bri Êjipt, ma ti phung rlăng păng, nây jêng tâm ti phung ŭch joi gay ngroh lơi nau rêh păng, nâm bu Gâp hŏ jao jêh Y-Sêdêkia, hađăch n'gor Yuđa, tâm ti Y-Nêbukatnetsar, hađăch bri Babilôn, jêng nơm rlăng ŭch joi gay nkhĭt Y-Sêdêkia.’”

Yêrêmi 49:37

Gâp mra ƀư phung Êlam klach krit tanăp phung rlăng jêh ri tanăp phung joi ŭch nkhĭt khân păng.” Brah Yêhôva lah: “Gâp mra ăn tât nau mhĭk ma khân păng jêng nau Gâp hao ji nuih ngăn, Gâp mra njuăl đao tĭng pakơi kŏ tât Gâp ƀư nkhĭt lĕ khân păng.”

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Êsêkiêl 23:28

Yorlah Kôranh Brah Yêhôva lah: ‘Aơ Gâp mra jao ay tâm ti phung ay tâm rmot, jêh ri tâm ti phung ay dĭl jêh.

Êsêkiêl 29:5

Gâp mra klŭp may mŭt tâm bri rdah, May jêh ri lĕ rngôch ka tâm lĕ dak krong may. May mra cha lôt ta klơ ndrêch gơ̆ hŏng, Bu mâu mra dônh mâu lah rgum tay. Gâp mra jao may ƀư mpa sông sa Ăn ma mpô mpa tâm dâng neh jêh ri phung sĭm ta klơ trôk.

Êsêkiêl 32:4

Gâp mra chalơi may ta klơ neh, Jêh ri klŭp may ta nklang mir hŏng. Gâp mra ƀư ăn lĕ rngôch phung sĭm klơ trôk jŭr drâm ta klơ may, Jêh ri phung mpô mpa lam bri sa puăch may kŏ tât mpay.

Nau Vay Nkah Tay 28:26

Săk jăn khĭt khân may mra jêng ndơ sa ma lĕ rngôch sĭm klơ trôk jêh ri ma mpa bri ta neh ntu jêh ri mâu mra geh ôh du huê ntrŭt khân păng du.

I Samuel 17:44

bu klâu Philistin lah tay: “Văch hom ta aơ, gâp mra ăn puăch may ma sĭm tâm trôk jêh ri ma mpô mpa bri.”

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,