Yêrêmi 34:16 - Nau Brah Ndu Ngơi 2023

¹⁶ Ƀiălah khân may hŏ plĕch nau mĭn jêh ri ƀư mhĭk amoh Gâp. Khân may plơ̆ nhŭp tay phung dĭk, bu klâu tâm ban ma bu ur, khân may lĕ ăn kon me jêh tĭng nâm khân păng ŭch, nchâp khân păng plơ̆ tay ƀư dĭk ma khân may tâm ban saơm.

Yêrêmi 34:16 ပူးပေါင်းရင်းမြစ်များ

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Yêrêmi 34:11

Ƀiălah pa kơh nây khân păng tâm rgâl nau mĭn, nhŭp tay phung bu klâu jêh ri bu ur dĭk khân păng hŏ ăn jêng kon me sĭt ƀư dĭk nâm bu saơm.

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Êsêkiêl 3:20

Tâm ban lĕ, tơlah du huê bunuyh sŏng srăng chalơi nau sŏng srăng ƀư nkhơng nau tih jêh ri Gâp mra dơm nau king panăp măt păng, păng mra khĭt. Yorlah may mâu mbơh ôh ma păng yor nây păng mra khĭt yor nau tih păng, jêh ri lĕ kan sŏng srăng păng hŏ ƀư jêh gâp mâu hôm dơi kah gĭt ôh, ƀiălah Gâp mra kêh mham păng ta ti may.

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.