Yêrêmi 33:8 - Nau Brah Ndu Ngơi 2023

⁸ Gâp mra ƀư kloh lĕ rngôch nau mhĭk khân păng hŏ ƀư tih jêh ma Gâp, yô̆ an lĕ rngôch nau tih khân păng hŏ ƀư tâm ban ma nau tih uh ah tâm rdâng đah Gâp.

Yêrêmi 33:8 ပူးပေါင်းရင်းမြစ်များ

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 130:8

Păng yơh mra tâm chuai phung Israel Bơh lĕ nau mhĭk.

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 65:3

Nđâp tơlah nau djơh mhĭk dơi lơn ma gâp, Ƀiălah May yô̆ an nau tih hên.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Nau Nhĭm Vơl 4:22

Hơi kon bu ur ƀon Siôn, nau tâm rmal ay hŏ lôch jêh, Păng mâu nkân ay ta ntŭk jêng bu nă đŏng ôh! Ƀiălah, hơi kon bu ur Êđôm, Păng mra tâm rmal ay; Mpơl nau mhĭk ay!

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:33

Kôranh Brah Yêhôva lah: ‘Tâm nar Gâp mra ƀư kloh lĕ rngôch nau tih khân may, Gâp mra ƀư tay ăn lĕ ƀon toyh geh ƀon lan gŭ jêh ri lĕ ntŭk rlâm rai mra rdâk tay.

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Kan Lêvi 16:30

yorlah tâm nar nây, nau rƀŭn chuai nau tih mra dơi nkra ma khân may gay khân may mra dơi geh nau kloh; lĕ rngôch nau tih khân may mra dơi ƀư kloh tanăp Brah Yêhôva.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,