Yêrêmi 33:26 - Nau Brah Ndu Ngơi 2023

²⁶ tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 33:26 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Êsra 2:70

Pôri, phung kôranh ƀư brah, phung Lêvi, phung ƀaƀă ƀon lan êng, phung kâp mprơ, phung mât njrăng mpông pêr, phung pah kan tâm ngih brah, plơ̆ sĭt gŭ tâm ƀon khân păng, jêh ri lĕ rngôch phung Israel hôm e plơ̆ sĭt đŏng gŭ tâm ƀon khân păng nơm.

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:35

Brah Yêhôva jêng Nơm ăn nar ƀư nau ang dôl nar, Tâm nal jêh nau vay dăp ăn ma khay, jêh ri mănh sol ang dôl măng; Nơm ƀư mpât dak mƀŭt ăn sial rbuh lŭng nter, Tâm amoh Păng jêng Brah Yêhôva ma phung tahan, lah pô aơ:

Yêrêmi 31:37

Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Yêrêmi 33:24

“May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Samƀŭt Pôl Njuăl Ăn Ma Phung Nsing Ta Ƀon Rôm 11:32

Yorlah Brah Ndu krŭng jêh lĕ rngôch bunuyh tâm ntŭk mâu tông bâr gay yô̆ nđach ma lĕ rngôch.