Yêrêmi 33:24 - Nau Brah Ndu Ngơi 2023

²⁴ “May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Yêrêmi 33:24 ပူးပေါင်းရင်းမြစ်များ

Nau Mprơ Ơm 71:11

Khân păng lah: “Brah Ndu chalơi jêh păng Hăn tĭng hom jêh ri pănh păng, Yorlah mâu geh bunuyh tâm rklaih păng ôh.”

Nau Mprơ Ơm 83:4

Khân păng lah: “Văch hom nkhĭt lĕ khân păng bơh lĕ bri dak, Gay ma khân păng mâu hôm kah gĭt amoh Israel đŏng ôh.”

Nau Mprơ Ơm 83:5

Yorlah khân păng tâm nchră du nuih n'hâm ndrăng khân păng Njêng nau tâm rnglăp tâm rdâng đah May:

Nau Mprơ Ơm 94:14

Yorlah Brah Yêhôva mâu mra chalơi ôh phung ƀon lan Păng, Mâu lĕ Păng chalơi drăp ndơn Păng.

Êsai 11:13

Aƀaơ, nau mâu nach tâm phung Êphraim mâu hôm geh, Bu mra ƀư rai lơi phung ƀư mhĭk ma phung Yuđa; Phung Êphraim mra mâu mra hôm mâu nach ma phung Yuđa, Jêh ri phung Yuđa mâu hôm ji nuih ma phung Êphraim ôh.

Êsai 7:17

Brah Yêhôva mra ăn tât ma may, ma phung ƀon lan may jêh ri ma ta ngih hađăch lĕ nar nau tât ê mâp geh ntơm bơh nar phung Êphraim tâm nkhah đah phung Yuđa, nĕ jêng nar Brah Ndu mra njuăl hađăch Asiri tât.”

Yêrêmi 3:7

Gâp mĭn pô aơ lah jêh ƀư lĕ nau kan nây păng mra plơ̆ sĭt ma Gâp, ƀiălah păng mâu plơ̆ sĭt ôh. Oh bu ur mâu răp jăp păng jêng Yuđa hŏ saơ jêh nau nây.

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 31:36

“Tơlah nau vay nây Roh tanăp măt Gâp, Ri mơ phung kon sau Israel Mâu hôm jêng du phung ƀon lan tanăp Gâp n'ho ro.” Brah Yêhôva lah pônây.

Yêrêmi 31:37

Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Yêrêmi 33:23

Nau Brah Yêhôva tât tay ma Y-Yêrêmi:

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Nau Nhĭm Vơl 4:15

Bu kuăl huy: “Du der! Nây jêng ndơ ƀơ̆! Du der! Du der ngai! Lơi ta pah bi!” Yor nây, khân păng du der jêh ri nsong mblêng ta aơ ta ri; Phung mpôl bunuyh tâm lĕ bri dak lah: “Khân păng mâu dơi gŭ ta aơ đŏng ôh.”

Êsêkiêl 25:3

May lah hom ma phung kon sau Ammôn: ‘Iăt hom nau Brah Yêhôva. Kôranh Brah Yêhôva lah pô aơ yorlah may lah: “Ha ha!” ma ntŭk kloh ueh Gâp tơlah păng ƀư ƀơ̆, ma bri neh Israel tơlah bu ƀư păng jêng rngol jêh ri ngih Yuđa tơlah bu nhŭp njŭn păng jêng bu nă;

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Êsêkiêl 36:2

Kôranh Brah Yêhôva lah: Yorlah tahan nơm rlăng lah jêh geh ma may pô aơ: ‘Ha ha! Đơ ntŭk gôl yôk prêh kăl e hŏ jêng drăp ndơn he jêh!’”

Êsêkiêl 36:20

Ntŭk khân păng hŏ tât jêh tâm lĕ bri dak, khân păng hŏ ƀư tih đah amoh kloh ueh Gâp da dê, kŏ tât bu lah ma khân păng pô aơ: ‘Nây jêng phung ƀon lan Brah Yêhôva ƀiălah lĕ bu mprơh khân păng hăn du tă bơh bri Brah Yêhôva!’

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.