Yêrêmi 33:17 - Nau Brah Ndu Ngơi 2023

¹⁷ Brah Yêhôva lah: ‘Y-Đavit mâu mra pưt ôh du huê bunuyh gŭ ta sưng hađăch ngih Israel;

Yêrêmi 33:17 ပူးပေါင်းရင်းမြစ်များ

II Samuel 3:29

Ăn mham nây nkhŭt tay ta klơ bôk Y-Jôap jêh ri ta klơ lĕ ngih mbơ̆ păng! Ăn ngih Y-Jôap mâu tăch yơt ôh bunuyh ji kuet ji rôi, mâu lah nau ji phŭng, mâu lah phung knŏng gĭt ƀư nau kan phung bu ur, mâu lah cha lôt khĭt ma đao, mâu lah nau ji ngot yor pưt sông sa!”

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

I Nau Rêh Jêng 17:27

Aƀaơ aơ, dăn ma Kôranh Brah ăn nau ueh uĭn ma nau oh mon May chiă uănh dơi gŭ ƀaƀơ n'ho ro tanăp may; yorlah, hơi Brah Yêhôva, lah May ăn nau ueh uĭn nau nây mra geh tât ƀaƀơ n'ho ro.”

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 17:25

pôri phung hađăch thoi sưng hađăch Đavit jêh ri phung kôranh mra gŭ ndeh seh, ncho seh, ndrel ma phung kôranh Yuđa jêh ri phung ƀon lan gŭ ta ƀon Yêrusalem mra găn ta lĕ mpông mpêr lăp tâm ƀon; jêh ri ƀon nây mra hôm n'ho ro.

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”