Yêrêmi 32:38 - Nau Brah Ndu Ngơi 2023

³⁸ Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Yêrêmi 32:38 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

Nau Mprơ Ơm 144:15

Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 30:22

Tâm ban pônây, khân may mra jêng phung ƀon lan Gâp, Gâp mra jêng Brah Ndu khân may.’”

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Êsêkiêl 16:60

Nđâp tơlah pônây, ăt Gâp mra kah gĭt tay nau tâm rnglăp Gâp nơm ƀư jêh đah ay tâm rnôk ay hôm druh mom, jêh ri Gâp mra ƀư nau tâm rnglăp đah ay du nau tâm rnglăp n'ho ro.

Êsêkiêl 36:28

Khân may mra gŭ tâm bri Gâp ăn jêh ma chô yau khân may; khân may jêng phung ƀon lan Gâp, jêh ri Gâp jêng Brah Ndu khân may.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Êsêkiêl 39:22

Ntơm bơh nar nây tât kăndơ̆, ngih Israel mra gĭt Gâp jêng Yêhôva Brah Ndu khân păng.

Êsêkiêl 39:28

Khân păng mra gĭt Gâp jêng Yêhôva Brah Ndu khân păng, nđâp lah Gâp hŏ mprơh khân păng jêng bu nă tâm lĕ bri dak êng jêh nây rgum tay khân păng sĭt ta bri dak khân păng nơm, mâu ăn klen du huê bunuyh ôh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Nau Vay Nkah Tay 14:23

Khân may mra sa du kô̆ tâm jât ba, dak ngi, ndrănh, tâm ban đŏng lĕ kon dak bôk tâm mpôl biăp, mpôl ndrôk khân may tanăp măt Yêhôva Brah Ndu khân may, ta ntŭk Păng mra săch gay ăn amoh Păng gŭ ta nây. Aơ jêng nau khân may dơi nti gay du njăr rêh klach yơk ma Yêhôva Brah Ndu khân may.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.