Yêrêmi 31:40 - Nau Brah Ndu Ngơi 2023

⁴⁰ Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Yêrêmi 31:40 ပူးပေါင်းရင်းမြစ်များ

II Samuel 15:23

Lĕ n'gor bri nhĭm nhhiăng lŭng nter dôl lĕ rngôch phung ƀon lan aơ lĕ hăn jêh. Hađăch rgăn dak n'hor Kidrôn, ndrel ma lĕ rngôch phung ƀon lan tât ta trong rlet bri rdah da dê.

II Phung Hađăch 11:16

pôri khân păng nhŭp păng njŭn leo păng tât ta ngih hađăch tĭng trong seh, jêh ri nkhĭt lơi păng ta nây.

II Phung Hađăch 23:12

Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Nau Rêh Jêng 23:15

Khân păng nhŭp jêh ri leo păng hăn tĭng ntŭk lăp Mpông Pêr Seh tâm ngih hađăch, jêh nây nkhĭt lơi păng ta nây.

Nêhêmi 3:28

Phung kôranh ƀư brah nkra kô̆ mpeh klơ mpông pêr Seh, ăp nơm nkra kô̆ mpeh tâm tra đah ngih păng nơm.

Nau Mprơ Ơm 48:9

Ơ Brah Ndu, tâm ngih brah May, Hên mĭn rvê ma nau ueh Kôranh Brah.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 18:7

Dôl Gâp mbơh nau rôk tơm, ƀư nchah mâu lah ƀư rai lơi du bri dak mâu lah ma du ƀon bri hađăch êng nây,

Yêrêmi 32:36

Yor nây, aƀaơ aơ Yêhôva Brah Ndu Israel lah ma ƀon aơ khân may ngơi pô aơ păng hŏ tŭp tâm ti hađăch Babilôn yor ma pêh đao, nau sa sât ji ngot, nau ji tưp, kơt aơ:

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Êsêkiêl 37:2

Păng leo gâp hăn nsong văr jŭm ta nklang nting nây. Ri, geh âk ngăn nting tâm rlŭng nây, jêh ri lĕ nting nây kro ngăn.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Sakari 14:11

Yêrusalem mra geh bunuyh gŭ, păng mâu mra geh nau rai đŏng ôh, ƀiălah mra gŭ đăp rmên ngăn.

Sakari 14:20

Ta nar nây mra geh nau nchih ta nteng neng seh: “KLOH UEH MA BRAH YÊHÔVA!” Lĕ glah tâm ngih Brah Yêhôva mra tâm ban ma ngan ta klơ nơng ƀư brah.

Yôhan 18:1

Jêh nau mbơh sơm, Brah Yêsu hăn ndrel ma phung oh mon ta đah ri dak n'hor Kêdrôn; ta nây geh du n'gar, Păng lăp ta nây ndrel ma phung oh mon Păng.