Yêrêmi 31:37 - Nau Brah Ndu Ngơi 2023

³⁷ Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Yêrêmi 31:37 ပူးပေါင်းရင်းမြစ်များ

Ndrom Samƀŭt bơh Yôp 38:18

May lĕ gĭt vât đŏng nau dĭ huy rplay neh? Lah may gĭt lĕ nau nây, nkoch hom.

Nau Mprơ Ơm 89:2

Yorlah gâp lah jêh: “Nuih n'hâm ueh May dơi ndâk nâp tât n'ho ro, May ƀư nâp nau răp jăp May nâm bu lĕ ndâr trôk.”

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Êsai 40:12

Mbu nơm sŏk jêh mpang ti veh dak mƀŭt, Sŏk nđam ti gay veh lĕ ndâr trôk? Mbu nơm hŏ sŏk du ndơ veh gay veh ndruyh neh? Mbu nơm hŏ dŏng njing gay nhueh yôk? Jêh ri dŏng njing mpan gay veh gôl yôk?

Êsai 54:9

“Gâp kơp nau aơ jêng tâm ban ma rnôk dak rdŭl bŭk rô̆ Y-Nôê, Tâm ban ma Gâp hŏ sơm ton jêh dak rdŭl bŭk rô̆ Y-Nôê, Mâu mra hôm bêng ler neh ntu ôh, Gâp hŏ sơm ton jêh Gâp mâu mra ji nuih đah ay Jêh ri mâu đŏng nduyh ay ôh.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”