Yêrêmi 31:35 - Nau Brah Ndu Ngơi 2023

³⁵ Brah Yêhôva jêng Nơm ăn nar ƀư nau ang dôl nar, Tâm nal jêh nau vay dăp ăn ma khay, jêh ri mănh sol ang dôl măng; Nơm ƀư mpât dak mƀŭt ăn sial rbuh lŭng nter, Tâm amoh Păng jêng Brah Yêhôva ma phung tahan, lah pô aơ:

Yêrêmi 31:35 ပူးပေါင်းရင်းမြစ်များ

Ndrom Samƀŭt bơh Yôp 26:12

Păng sŏk nau brah ƀư ăn rbuh dak mƀŭt gŭ rngân; Sŏk nau blau mĭn âk dong cha lôt Rahap.

Ndrom Samƀŭt bơh Yôp 38:33

May dơi gĭt vât lĕ nau vay dăp bơh lĕ ndâr trôk? May dơi njêng lĕ nau vay kơt nây ta neh ntu?

Nau Mprơ Ơm 106:9

Păng buay ma Dak Mƀŭt Chăng, păng suăt sơh kro; Păng njŭn khân păng rgăn dak mƀŭt jru nâm bu rgăn bri rdah.

Nau Mprơ Ơm 119:89

Ơ Brah Yêhôva, nau may ngơi gŭ nâp Ƀaƀơ klơ trôk.

Nau Mprơ Ơm 119:91

Tĭng nâm nau May ntăm, khân păng ăt gŭ nâp tât ta nar aơ, Yorlah lĕ rngôch ndơ jêng oh mon May da dê.

Nau Mprơ Ơm 148:6

Păng njêng lĕ phung nây nâp ktang tât n'ho ro mâu blau lôch ôh; Păng ăn jêh nau vay gay khân păng mâu lăn rlau ôh.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 72:5

Tơlah nar, khay hôm gŭ jŏ Pôri păng mra gŭ rêh jŏ, jêh ri kŏ tât lĕ rngôch rnôk n'ho ro.

Nau Mprơ Ơm 74:13

May sŏk nau brah May gay ma rnglah lơi dak mƀŭt, Dong nchah bôk mpa djơh mhĭk tâm dak.

Nau Mprơ Ơm 74:16

Nar jêng ndơ May, măng ăt jêng ndơ May; May rhăk njêng jêh khay jêh ri nar.

Nau Mprơ Ơm 78:13

Păng rnglah dak mƀŭt jêh ri ăn khân păng hăn rgăn ta nây, Ăn dak gŭ nâm bu mpir.

Nau Mprơ Ơm 89:2

Yorlah gâp lah jêh: “Nuih n'hâm ueh May dơi ndâk nâp tât n'ho ro, May ƀư nâp nau răp jăp May nâm bu lĕ ndâr trôk.”

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 51:15

Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Yêrêmi 33:20

“Brah Yêhôva lah kơt aơ: ‘Tơlah khân may ƀư chah rai nau Gâp tâm rnglăp đah nar jêh ri nau Gâp tâm rnglăp đah măng, kŏ tât nar jêh ri măng mâu tât di đah nau tâm nal,

Yêrêmi 33:25

Brah Yêhôva lah: ‘Tơlah Gâp mâu ƀư nau tâm rnglăp đah nar jêh ri đah măng, jêh ri mâu nal ôh nau vay ăn ma trôk jêh ri neh ntu,

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Amôt 9:8

Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.