Yêrêmi 31:33 - Nau Brah Ndu Ngơi 2023

³³ Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 31:33 ပူးပေါင်းရင်းမြစ်များ

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

I Phung Hađăch 8:58

Dăn ma Păng nsŭk nsôr nuih n'hâm he rle mpeh Păng, gay he hăn tâm lĕ rngôch trong Păng, djôt prăp lĕ nau vay ntăm, lĕ nau vay dăp, jêh ri lĕ nau vay ƀư bơh Păng hŏ ntăm ma phung chô yau he.

Nau Mprơ Ơm 37:31

Nau vay Brah Ndu gŭ tâm nuih n'hâm bunuyh sŏng srăng, Jêh ri păng chuat hăn mâu dĭt diu.

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Mprơ Ơm 40:9

Gâp hŏ mbơh jêh nau maak ma nau sŏng srăng May Ta nklang phung tâm rƀŭn âk ngăn, Nanê̆ ngăn, gâp mâu dơi prăp ôh trôm mbung; Ơ Brah Yêhôva, May gĭt nau nây.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Hôr 7:3

Kât nâp hom păng ta nglau ti may, Nchih nsêr păng tâm trôm nuih n'hâm may.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Yêrêmi 17:1

“Nau tih ƀon lan Yuđa dơi nchih đah mâng nchih loih, Tor kach ma chiông lŭ mplanh diamôn, Ta klơ tâm trôm nuih n'hâm jêh ri ta nke lĕ nơng ƀư brah khân păng,

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 30:22

Tâm ban pônây, khân may mra jêng phung ƀon lan Gâp, Gâp mra jêng Brah Ndu khân may.’”

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Ndrom Samƀŭt bơh Ôsê 2:20

Di yơh, Gâp mra nđăp ay đah Gâp tâm nau răp jăp; Jêh ri ay mra gĭt Brah Yêhôva.”

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Samƀŭt Pôl Njuăl Ăn Ma Phung Nsing Ta Ƀon Rôm 11:27

“Jêh ri aơ jêng nau tâm rnglăp Gâp ƀư đah khân păng, Tơlah Gâp jut lơi nau tih khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

ហេឞ្រើ 10:16

Kôranh Brah lah: “Aơ jêng nau tâm rnglăp Gâp mra ƀư ma khân păng: Pakơi lĕ nar nây, Gâp mra dơm nau vay Gâp tâm nuih n'hâm khân păng Jêh ri nchih prăp tâm nau mĭn khân păng.”

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.