Yêrêmi 31:32 - Nau Brah Ndu Ngơi 2023

³² Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Yêrêmi 31:32 ပူးပေါင်းရင်းမြစ်များ

I Phung Hađăch 8:9

Tâm Hip Nau Tâm Rnglăp mâu geh du ndô ndơ êng ôh knŏng bar plơp lŭ Y-Môis hŏ n'gân tâm nây dôl hôm gŭ ta Hôrep, jêng ntŭk Brah Yêhôva hŏ ƀư nau tâm rnglăp đah phung Israel, dôl khân păng mhe du luh bơh Êjipt.

Nau Mprơ Ơm 73:23

Ƀiălah gâp hôm gŭ ndrel ma May ƀaƀơ; May kuăn ti ma gâp.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 11:3

May lah ma khân păng pô aơ Brah Yêhôva Brah Ndu Israel lah: ‘Khư rak rtăp ăn ma bunuyh mâu iăt ôh nau tâm rnglăp

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 22:9

Mra geh bunuyh plơ̆ lah: ‘Yorlah phung ƀon lan tâm ƀon nây hŏ chalơi jêh nau tâm rnglăp đah Yêhôva Brah Ndu khân păng, yơk mbah jêh ri rhŏ ma lĕ brah êng.’

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Yêrêmi 34:13

“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:

Yêrêmi 34:14

‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 20:37

Gâp mra ƀư ma khân may rgăn tâm dâng mâng jra jêh ri mra leo khân may lăp tâm rse ma nau tâm rnglăp.

Êsêkiêl 23:4

Amoh nur jêng H'Ôhôla jêh ri amoh oh păng jêng H'Ôhôliba. Khân păng jêng ndơ ma Gâp jêh ri deh kon bu ur, kon bu klâu. H'Ôhôla jêng ƀon Samari, bi ma H'Ôhôliba jêng ƀon Yêrusalem.

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Ndrom Samƀŭt bơh Ôsê 2:2

“Phong hom ma mê̆ khân may, Phong hom yorlah păng mâu di ôh jêng ur Gâp, Gâp mâu ôh jêng sai păng! Đă păng mƀăr lơi nau văng tĭr klơ măt păng Jêh ri têl nau văng tĭr ta nklang toh păng.

Ndrom Samƀŭt bơh Ôsê 3:1

Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Markôs 8:23

Păng kuăn ta ti bunuyh chieh măt, njŭn leo păng luh bơh ƀon, mhĭng dak diu ta trôm măt jêh ri pah ti ta păng, jêh nây ôp: “May saơ lĕ ndô ndơ?”

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Kôranh Oh Mon 23:19

Kôranh chiă uănh kuăn ta ti bu klâu ndăm, leo păng ta ntŭk êng jêh ri ôp: “Moh nau may ŭch mbơh ma gâp?”

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

Nau Vay Nkah Tay 29:1

Aơ jêng lĕ nau ngơi tâm nau tâm rnglăp Brah Yêhôva ntĭm jêh ma Y-Môis ăn ƀư đah phung ƀon lan Israel ta n'gor Môap, rlau ma nau tâm rnglăp Păng hŏ ƀư jêh ma khân păng ta yôk Hôrep.

Nau Vay Nkah Tay 29:21

Păng mra tâm nkhah bunuyh nây bơh lĕ rngôch ndŭl mpôl phung Israel, gay prăp ma nau mhĭk, tĭng nâm nau rak rtăp bơh nau tâm rnglăp hŏ nchih jêh tâm ndrom samƀŭt nau vay aơ.

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Nau Vay Nkah Tay 31:20

Yorlah Gâp mra njŭn phung ƀon lan aơ lăp tâm n'gor Gâp hŏ ton ăn jêh ma phung chô yau khân păng, jêng n'gor bêng ma dak toh jêh ri dak sŭt; ƀiălah tơlah khân păng sa kŏ tât hơm bêng jêh ri lay dăng khân păng mra nchuăt tĭng phung brah êng jêh ri pah kan ma khân păng, mưch ma Gâp jêh ri rlau nau tâm rnglăp đah Gâp.

Nau Vay Nkah Tay 5:2

Yêhôva Brah Ndu he hŏ ƀư jêh du nau tâm rnglăp đah he ta Yôk Hôrep.

Nau Vay Nkah Tay 5:3

Mâu di Yêhôva ƀư nau tâm rnglăp aơ đah phung chô yau he, ƀiălah đah he, jêng lĕ rngôch phung nar aơ dôl hôm rêh ta aơ.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây: