Yêrêmi 31:30 - Nau Brah Ndu Ngơi 2023

³⁰ Ƀiălah ăp nuyh mra khĭt yor nau tih mhĭk păng nơm; ăp nơm mbu moh sa play krăk ƀâu srat pôri nơm nây mra kĭr sêk.”

Yêrêmi 31:30 ပူးပေါင်းရင်းမြစ်များ

II Phung Hađăch 14:6

Ƀiălah păng mâu nkhĭt ôh phung kon khân păng; tĭng nâm nau nchih jêh tâm ndrom samƀŭt nau vay Y-Môis; tâm nây, Brah Yêhôva ntăm jêh pô aơ: “Bu mâu mra nkhĭt ôh mbơ̆ yor ma nau tih kon, mâu mra nkhĭt đŏng kon yor ma nau tih mbơ̆, yorlah ăp nơm mra khĭt yor nau tih păng nơm.”

Ndrom Samƀŭt bơh Yôp 21:20

Ăn măt khân păng nơm saơ n'hêl nê̆ nau rai lôch, Jêh ri nhêt nau ji nuih bơh Nơm Geh Lĕ Nau Brah.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Êsêkiêl 3:24

Ƀiălah Huêng Brah lăp tâm gâp ƀư dâk jâng gâp. Jêh nây Păng lah ma gâp pô aơ: “Hăn hom, krŭng êng may nơm tâm ngih may.

Êsêkiêl 33:13

Nđâp tơlah Gâp geh ngơi ma nơm sŏng srăng n'hêl nanê̆ păng mra rêh, ƀiălah, tơlah păng nsing ma nau sŏng srăng păng nơm jêh ri ƀư tih, pôri mâu geh du ntil nau sŏng srăng păng dơi kah gĭt tay ƀiălah păng mra khĭt tâm nau djơh mhĭk păng hŏ ƀư.

Êsêkiêl 33:18

Tơlah bunuyh sŏng srăng chalơi nau sŏng srăng păng nơm ƀư nau mhĭk pôri păng mra khĭt tâm nau nây.

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Galati 6:5

Yorlah ăp nơm mra anh nau jâk jêr păng nơm.

Nau Vay Nkah Tay 24:16

Bu mâu nkhĭt ôh mê̆ mbơ̆ yor nau tih phung kon, jêh ri bu mâu lĕ dơi nkhĭt phung kon yor nau tih phung mê̆ mbơ̆. Bu mra nkhĭt ăp nơm tĭng nâm nau tih păng nơm.

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.