Yêrêmi 31:27 - Nau Brah Ndu Ngơi 2023

²⁷ Brah Yêhôva lah: “Aơ, lĕ nar mra tât, Gâp mra sŏk ntil bunuyh jêh ri ntil mpô mpa srih tâm ntŭk ngih Israel jêh ri Yuđa.

Yêrêmi 31:27 ပူးပေါင်းရင်းမြစ်များ

Nau Mprơ Ơm 107:41

Ƀiălah păng rklaih phung pưt kƀah bơh nau rêh ni, Jêh ri ăn rnăk vâl khân păng jêng âk nâm bu phung biăp.

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Êsêkiêl 36:10

Ta klơ neh khân may, Gâp mra ntop ăn bĭk rơ̆ bunuyh lĕ rngôch ngih Israel. Lĕ rngôch ƀon toyh mra geh bunuyh gŭ, lĕ rngôch ntŭk lĕ rlâm rai nchah mra rdâk njêng tay đŏng.

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Êsêkiêl 36:9

Aơ, Gâp gŭ mpeh ma khân may, plơ̆ n'gĭl tay ma khân may jêh ri khân may mra dơi pŏk rlơk srih ntil.

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Sakari 10:9

Gâp mra srih khân păng ta nklang phung ƀon lan, Ƀiălah tâm bri n'gor ngai, khân păng mra kah gĭt ma Gâp; Khân păng mra rêh ndrel ma phung kon khân păng jêh ri mra plơ̆ sĭt.

Nau Vay Nkah Tay 30:9

Yêhôva Brah Ndu khân may mra ăn ma khân may ndrŏng tâm lĕ rngôch kan ti khân may ƀư, ntơm bơh play săk jăn khân may tât ma phung kon mpô mpa rong khân may jêh ri play do bơh neh khân may. Yorlah Brah Yêhôva mra răm maak đŏng ăn nau ueh lăng ma khân may nâm bu Păng răm maak jêh ăn nau ueh lăng ma phung chô yau khân may,