Yêrêmi 31:25 - Nau Brah Ndu Ngơi 2023

²⁵ Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Yêrêmi 31:25 ပူးပေါင်းရင်းမြစ်များ

Nau Mprơ Ơm 107:9

Yorlah Păng ƀư ăn mpay huêng ji hir, Jêh ri nuih n'hâm ji ngot ji hir dơi mpay hơm ma lĕ nau ueh.

Nau Mprơ Ơm 23:3

Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 40:29

Păng ăn nau ktang ma phung huăr rgănh, Ntop nau dăng ktang ma nơm mâu geh nau dăng ktang.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 31:14

Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Êsêkiêl 34:14

Gâp mra chiăp rong khân păng tâm ndrêch gơ̆ nse jêh ri ndrung n'gar khân păng mra ăn ta klơ lĕ yôk Israel, ta neh prêh phung Israel. Ta Nây, khân păng mra gŭ rlu kuen tâm drung ueh răm jêh ri sa ta ntŭk ndrêch gơ̆ nse ueh, nây jêng ta klơ lĕ yôk Israel.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Luka 1:53

Păng hŏ ƀư jêh bunuyh ji ngot geh bêng ndơ sa kah, Jêh ri mprơh phung ndrŏng plơ̆ sĭt ti dơm.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;