Yêrêmi 31:22 - Nau Brah Ndu Ngơi 2023

²² Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Yêrêmi 31:22 ပူးပေါင်းရင်းမြစ်များ

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 13:27

Gâp hŏ saơ lĕ nau ƀơ̆ ƀơch bơh may, Nau tih văng tir, nau pâl tâm krĭ văng tĭr phung ka n'hong may, Ta klơ lĕ dor yôk, ta nklang mir. Ơ Yêrusalem, rêh ni ăn ma may! Ndah jŏ may mra mâu ŭch ƀư kloh?”

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 2:18

Aƀaơ, moh ndơ may geh dôl jŭr ma Êjipt Gay nhêt dak krong Sihôr? Moh ndơ may geh dôl găn Asiri Gay nhêt dak krong Ơphrat?

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 3:4

Mâu di hĕ ntơm bơh kăl e may hŏ kuăl Gâp: ‘Ơ Mbơ̆ gâp, May jêng mĭt jiăng gâp ntơm bơh nôk ndăm,

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 49:4

Ơ kon bu ur mâu geh răp jăp ri, Mâm ƀư khân may ntưih ir ma ntŭk rlŭng, Lĕ rngôch ntŭk rlŭng geh jêng may? May rnơm nsing ma ngih bun drăp ndơ khlay may nơm, Yor nây lah pô aơ: ‘Mbu nơm nănh văch tâm lơh đah gâp?’”

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Nau Kơp Bunuyh 16:30

Ƀiălah tơlah Brah Yêhôva ƀư du nau mhe; tơlah neh hă mbung păng jêh ri rvăn khân păng ndrel ma lĕ rngôch ndơ prăp ma khân păng, jêh nây tơlah khân păng hôm dôl rêh ƀiălah hăn jŭr tâm ƀon phung khĭt, pôri khân may mra gĭt ma phung aơ hŏ ngơi jêh sưr ma Brah Yêhôva.”

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,