Yêrêmi 31:20 - Nau Brah Ndu Ngơi 2023

²⁰ Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:20 ပူးပေါင်းရင်းမြစ်များ

Nau Ntơm 43:30

Păng saơ oh mpŏt, Y-Yôsep dŭt rŏng ngăn jêh ri hăn luh ndal padih, joi ntŭk ŭch nhĭm. Păng hăn lăp tâm jrô păng nơm jêh ri nhĭm.

I Phung Hađăch 3:26

Bu ur geh kon hôm e rêh phit nuih n'hâm hâu ngăn yor rŏng kon păng nơm, lah ma hađăch: “Hơi, kôranh gâp! Ăn hom ma păng kon se hôm rêh, lơi ta nkhĭt păng!” Ƀiălah bunuyh ri lah: “Păng mâu mra jêng kon gâp, mâu đŏng jêng kon ay, blah hom păng tâm pă bar buh!”

Nau Mprơ Ơm 103:13

Brah Yêhôva yô̆ nđach phung klach yơk ma Păng, Nâm bu mbơ̆ yô̆ nđach ma kon păng.

Nau Hôr 3:12

Yorlah Brah Yêhôva nkra ma mbu nơm Păng rŏng, Nâm bu du huê mbơ̆ ma đah kon bu klâu păng rŏng.

Nau Mprơ Ueh 5:4

Nơm gâp rŏng nsro ti găn ta trôm mpông, Nuih n'hâm gâp mpât rđŭk yor păng.

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 48:36

Yor nây, nuih n'hâm Gâp yor bri Môap nđor bâr n'hôm rđêng rngot; yor phung ƀon lan Kir-Hêres nteh bâr n'hôm nhĭm vơl; yor drăp ndơ khân păng bun prăp hŏ roh lĕ jêh.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Kan Lêvi 26:44

Ƀiălah, nđâp lah khân păng dôl gŭ tâm n'gor phung rlăng, Gâp mâu đŏng chalơi khân păng, mâu lĕ Gâp rmot ma khân păng kŏ tât Gâp ƀư rai lĕ khân păng jêh ri mâu chalơi nau tâm rnglăp ta nklang Gâp đah khân păng, yorlah Gâp jêng Yêhôva Brah Ndu khân păng.

Luka 15:24

Yorlah kon gâp aơ khĭt jêh ƀiălah aƀaơ aơ dâk rêh đŏng, roh jêh ƀiălah aƀaơ aơ joi dơi saơ.’ Jêh nây khân păng ntơm nhêt sông sa răm maak.

Luka 15:32

Ƀiălah di ngăn ƀư nau sông sa jêh ri răm maak, yorlah oh may aơ khĭt jêh, ƀiălah nar aơ păng dâk rêh, hŏ roh jêh ƀiălah dơi saơ.’ ”

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.