Yêrêmi 31:18 - Nau Brah Ndu Ngơi 2023

¹⁸ Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 31:18 ပူးပေါင်းရင်းမြစ်များ

Ndrom Samƀŭt bơh Yôp 5:17

Ueh maak ngăn ma bunuyh Brah Ndu nduyh! Pôri lơi may uănh dơm dam nau nduyh nkra Nơm Geh Lĕ Nau Brah.

Nau Mprơ Ơm 118:18

Brah Yêhôva hŏ nduyh nkra gâp, Ƀiălah Păng mâu jao gâp ma nau khĭt ôh.

Nau Mprơ Ơm 119:67

Êlor gâp geh nau rêh ni, gâp vĭ nhhơt jêh Ƀiălah aƀaơ gâp djôt prăp nau May ngơi.

Nau Mprơ Ơm 119:75

Ơ Brah Yêhôva, gâp gĭt nau May phat dôih jêng sŏng srăng Jêh ri ma nau răp jăp May ăn jêh gâp rêh ni.

Nau Mprơ Ơm 31:15

Nau rêh gâp gŭ tâm ti Kôranh Brah; Tâm rklaih gâp bơh ti phung rlăng jêh ri phung ƀư mhĭk ma gâp.

Nau Mprơ Ơm 32:9

Lơi ta jêng nâm bu seh jêh ri seh bri jêng ndơ mâu geh nau gĭt rbăng Bu n'găm trôm mbung ma gang jêh ri ma rse ndrăn mhe, gay ma khân păng dơi iăt nau, Tơlah mâu, khân păng mâu mra hăn dăch may ôh.

Nau Mprơ Ơm 80:19

Ơ Yêhôva Brah Ndu ma phung tahan, ndâk njêng mhe tay hom hên, Ăn muh măt May sol ang ta hên pôri hên mra dơi rklaih.

Nau Mprơ Ơm 80:3

Ơ Brah Ndu, dăn ndâk njêng mhe tay hên, Jêh ri ƀư ăn nchrat ang măt May ta klơ hên pôri hên mra dơi rklaih.

Nau Mprơ Ơm 80:7

Ơ Brah Ndu ma phung tahan, dăn ndâk njêng mhe tay hom hên Jêh ri ƀư ăn muh măt May sol ang ta klơ hên pôri hên mra dơi rklaih.

Nau Mprơ Ơm 85:4

Ơ Brah Ndu jêng nau tâm rklaih hên, Dăn rdâk njêng hên jêh ri nsrŭng nau ji nuih ta klơ hên.

Nau Mprơ Ơm 94:12

Ơ Yêhôva, ueh maak yơh ma bunuyh geh nau Păng nduyh nkra Jêh ri nti nau vay May ăn,

Nau Hôr 26:3

Mâng rvĕ ma seh, gang thao prăp ma seh bri, Bi mâng rpăt prăp ma ndŭr kơi phung rluk.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 3:11

Hơi kon gâp, lơi tâm rmot ôh nau Brah Yêhôva nduyh nkra, Lơi ta rngot nuih n'hâm dôl păng nduyh nkra.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 51:20

Phung kon bu klâu may khĭt huăr da dê, Bê̆ch lă lêng tâm lam lĕ trong sâng, Tâm ban ma yơng geh nhuăl, Khân păng gŭ tâm dâng nau Brah Yêhôva ji nuih Jêh ri nau Brah Ndu khân may nduyh!

Êsai 53:7

Bu tŭn jot Păng jêh ri ƀư rêh ni, Ƀiălah Păng mâu mâp hă ôh mbung Păng. Tâm ban ma du mlâm kon biăp bu têk ta ntŭk ƀư puăch, Tâm ban ma du mlâm kon biăp mlo tanăp nơm nkăp rsau, Păng mâu hă mbung ôh.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 17:14

Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 31:6

Mra geh du nar, phung gak Ta klơ dor yôk Êphraim mra kuăl: ‘Kay lŏng, he gơnh oi hăn hao ma yôk Siôn, Tât ma Yêhôva Brah Ndu he!’”

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Nau Nhĭm Vơl 5:21

Ơ Brah Yêhôva, njêng tay hom hên gay ma hên dơi plơ̆ sĭt tay! Dăn ƀư mhe tay nar khay hên nâm bu kăl e!

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 10:11

Êphraim jêng nâm bu ndrôk me druh lĕ đăp jêh Ŭch rŏng jot ba, Ƀiălah Gâp hŏ prăp trô ko lay ueh păng. Gâp mra dơm mâng mbăk klơ Êphraim; Yuđa mra chuar Jêh ri Yakôb mra ƀư hăch neh.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Malachi 4:6

Păng mra ƀư ăn nuih n'hâm phung mbơ̆ plơ̆ tay đah nuih n'hâm phung kon, jêh ri nuih n'hâm phung kon plơ̆ tay đah nuih n'hâm phung mbơ̆ khân păng, klach lah Gâp văch lơh bri dak aơ ma nau rak rtăp.”

Nau Kơp Bunuyh 2:18

Rmlak tahan Êphraim ndâk mpeh nhâp nar tĭng nâm ăp phung tâm dâng n'ha kơ khân păng. Kôranh phung ƀon lan Êphraim jêng Y-Êlisama, kon bu klâu Y-Amihut

Luka 1:17

Kon nây mra sŏk nuih n'hâm jêh ri nau brah Y-Êli gay hăn lor ăn ma Kôranh Brah, gay djôt leo nuih n'hâm mbơ̆ plơ̆ sĭt đah kon păng, djôt leo nơm mâu tông bâr tât nau blau mĭn bunuyh sŏng srăng, jêh ri gay ma ndrăp du phung mpôl băl rơm ndrăp jêh ma Kôranh Brah.”

Luka 15:20

Păng dâk ro, plơ̆ sĭt ma mbơ̆ păng. Ƀiălah dôl hôm ngai, mbơ̆ păng saơ jêh ri nuih n'hâm yô̆ nđach, nchuăt ran ut ta trô ko păng jêh ri chŭm.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

ហេឞ្រើ 12:5

Khân may chuêl jêh nau nkah prăp khân may nâm bu nau nkah ma phung kon, pô aơ: “Hơi kon gâp, lơi tâm rmot ôh nau Kôranh Brah nduyh nkra, Jêh ri nôk Kôranh Brah nduyh, lơi rdja nuih n'hâm.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!