Yêrêmi 31:15 - Nau Brah Ndu Ngơi 2023

¹⁵ Brah Yêhôva lah: “Bu tăng ta ntŭk Rama, Bâr nhĭm vơl, nhĭm rngot ngăn. Nây jêng H'Rachel nhĭm vơl yor kon păng, Mâu ŭch geh nau bonh leng ma phung kon, Yorlah khân păng mâu rêh đŏng ôh!”

Yêrêmi 31:15 ပူးပေါင်းရင်းမြစ်များ

Nau Ntơm 35:19

H'Rachel khĭt, bu tâp păng ta meng trong Êphrata, nây jêng ƀon Ƀêtlêhem.

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

Nau Ntơm 42:13

Khân păng lah: “Hên jêng phung oh mon may, jêng phung jât ma bar nuyh oh nâu, phung kon du mbơ̆, tâm n'gor Kanaan. Oh mpŏt aƀaơ gŭ ndrel ma mbơ̆ hên, bi du huê bunuyh roh hêng.”

Nau Ntơm 42:36

Y-Yakôb, mbơ̆ khân păng, lah: “Khân may hŏ ăn roh jêh phung kon gâp! Y-Yôsep roh hêng, Y-Simêôn mâu hôm, aƀaơ khân may ŭch sŏk Y-Benjamin! Lĕ nau nkhŭt ta klơ bôk gâp da dê!”

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 37:36

Ƀiălah geh bunuyh hăn rgăn, ri păng mâu hôm ôh; Gâp joi păng ƀiălah mâu mâp.

Nau Mprơ Ơm 77:2

Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Êsai 10:29

Hăn rgăn yôk, khân păng lah: “He mra ndâk vâl bok bê̆ch măng ta Gêba.” Rama râm nsâr, Gibêa ƀon Y-Sôl nchuăt du!

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Yêrêmi 10:20

Ngih bok gâp rai jêh, Lĕ rse nthăng ngih bok gâp tăch da dê; Phung kon gâp chalơi gâp, Khân păng mâu hôm đŏng ôh. Mâu hôm geh nơm ndâk ngih bok, Ăt mâu hôm geh nơm nthăng bok nching ăn ma gâp.

Yêrêmi 40:1

Geh nau Brah Yêhôva lah ma Y-Yêrêmi jêh ma nau Y-Nêbusaradan kôranh chiă uănh toyh phung tahan gak mplơ̆ ăn kon me ma păng ta Rama. Rnôk Y-Nêbusaradan prơh joi Y-Yêrêmi pôri păng dôl bu nkông ndrel ma phung bu nă êng ƀon Yêrusalem jêh ri Yuđa dăch ma bu nhŭp djôt leo rlet ma Babilôn.

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Êsêkiêl 2:10

Păng pơk du ndrom samƀŭt nây tanăp gâp. Nây jêng ndrom samƀŭt geh nau nchih tâm trôm nđâp padih, nchih jêh ta nây nau ngơi nhĭm nhhiăng, nau klâng rvê, jêh ri nau rêh ni.

Yôsuê 18:25

Gibêôn, Rama, Bêrôt,

Phung Kôranh Phat Dôih 4:5

Păng gŭ tâm dâng tơm đung Dêbôra, tâm n'gor klơ dor yôk Êphraim, ta vah vang Rama jêh ri Bêthel, jêh ri phung ƀon lan Israel văch tât ma păng gay ŭch iăt nau păng phat dôih.

I Samuel 7:17

Jêh nây păng plơ̆ sĭt ma Rama, yorlah ngih păng ta nây. Ta Rama, păng phat dôih đŏng phung Israel, jêh ri ta nây păng ndâk du nơng ƀư brah ma Brah Yêhôva.