Yêrêmi 31:14 - Nau Brah Ndu Ngơi 2023

¹⁴ Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Yêrêmi 31:14 ပူးပေါင်းရင်းမြစ်များ

II Nau Rêh Jêng 6:41

Ơ Yêhôva Brah Ndu! Dâk hom Gay ma Kôranh Brah jêh ri Hip Nau Tâm Rnglăp bêng nau brah May dơi lăp ta ntŭk May rlu! Ơ Yêhôva Brah Ndu! Ăn ma phung kôranh ƀư brah May nsoh nau tâm rklaih, Jêh ri phung blau yơk ma May dơi răm maak Tâm nau ueh May!

Nêhêmi 10:39

Yorlah phung ƀon lan Israel jêh ri phung Lêvi mra djôt leo lĕ ndơ nhhơr nâm bu ba ƀlê, ndrănh jêh ri dak ngi ôlive mhe lăp tâm lĕ jrô nây, jêng ntŭk bu prăp lĕ ndơ dŏng tâm ngih brah kloh ueh, jêng ntŭk phung kôranh ƀư brah gŭ gay pah kan, phung gak mpông, jêh ri phung mprơ. Pôri hên mâu mra chalơi ôh ngih Brah Ndu hên.

Nau Mprơ Ơm 107:9

Yorlah Păng ƀư ăn mpay huêng ji hir, Jêh ri nuih n'hâm ji ngot ji hir dơi mpay hơm ma lĕ nau ueh.

Nau Mprơ Ơm 132:16

Gâp mra sâm nsoh ma phung kôranh ƀư brah ƀon nây nau tâm rklaih, Jêh ri phung klach yơk păng mra nter hâk răm.

Nau Mprơ Ơm 132:9

Ăn ma phung kôranh ƀư brah May nsoh nau sŏng, Phung klach yơk May mra nter maak.

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 63:2

Ăn gâp gŭ uănh May tâm ngih kloh ueh. Gay uănh nau brah jêh ri nau chrêk rmah May.

Nau Mprơ Ơm 63:5

Huêng gâp dơi hơm tâm ban ma sa glo tâm nting jêh ri ngi; Bâr mbung gâp mra răm maak jêh ri mprơ tâm rnê ma May.

Nau Mprơ Ơm 63:6

Dôl gŭ bê̆ch ta klơ sưng, gâp kah gĭt ma May, Jêh ri gŭ mĭn rvê ma May tâm ăp măng.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 85:13

Nau sŏng srăng mra hăn tanăp Păng, Jêh ri nkra trong ăn jâng Păng chuat.

Nau Mprơ Ơm 90:14

Ăp kêng ôi, dăn nau ueh May ƀư ăn hên geh nau mpay, Pôri lôch du njăr rêh hên mra mprơ maak răm.

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Êsêkiêl 34:14

Gâp mra chiăp rong khân păng tâm ndrêch gơ̆ nse jêh ri ndrung n'gar khân păng mra ăn ta klơ lĕ yôk Israel, ta neh prêh phung Israel. Ta Nây, khân păng mra gŭ rlu kuen tâm drung ueh răm jêh ri sa ta ntŭk ndrêch gơ̆ nse ueh, nây jêng ta klơ lĕ yôk Israel.

Ndrom Samƀŭt bơh Agê 2:19

Khân may hôm e đŏng ntil găr tâm jay prăp? Kŏ tât aƀaơ aơ, tơm krăk ƀâu, tơm rvi, tơm pom gra nat, tơm ôlive, tâm ban lĕ mâu geh ôh luh play. Ƀiălah ntơm bơh nar aơ, Gâp mra ăn nau ueh uĭn ma khân may.’ ”

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 3:19

jêh ri dơi gĭt năl nau rŏng Brah Krist, jêng nau rŏng rlau lơn ma lĕ rngôch nau gĭt rbăng, gay ma khân may bêng ler lĕ ntil ndơ âk rmeh bơh Brah Ndu.

Nau Vay Nkah Tay 33:23

Ma phung Naptali, Y-Môis lah: “Naptali hơm jêh ma nau yô̆ Brah Yêhôva Bêng ma nau ueh lăng bơh Brah Yêhôva Pit sŏk hom kô̆ neh mpeh nhâp nar jêh ri mpeh pa dâng.”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”