Yêrêmi 31:13 - Nau Brah Ndu Ngơi 2023

¹³ Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 31:13 ပူးပေါင်းရင်းမြစ်များ

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Nau Mprơ Ơm 126:5

Mbu nơm srih ntil ma dak măt Mra rek tâm nau răm maak.

Nau Mprơ Ơm 148:12

Phung bu klâu ndăm jêh ri bu ur druh, Phung bu ranh jêh ri kon se,

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 60:20

Nar may mâu hôm nhâp đŏng ôh, Khay mâu mra ndâp ôh; Yorlah Brah Yêhôva mra jêng nau ang n'ho ro ma may, Lĕ nar may rngot klâng lôch jêh.

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Yôhan 16:22

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Phung Kôranh Phat Dôih 21:21

jêh ri dôl uănh tơlah phung kon bu ur Silô luh hăn pâl ntalơ̆ ma ndrăng khân păng, nôk nây khân may nchuăt luh bơh lĕ đang krăk ƀâu, ăp nơm tâm khân may sŏk du huê ur bơh phung kon bu ur tâm phung bu ur druh ndăm Silô, jêh nây hăn rlet ma n'gor Benjamin.