Yêrêmi 31:11 - Nau Brah Ndu Ngơi 2023

¹¹ Yorlah Brah Yêhôva sâm chuai jêh Yakôb, Rklaih jêh khân păng tă bơh ti nơm dăng ktang lơn.

Yêrêmi 31:11 ပူးပေါင်းရင်းမြစ်များ

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 49:24

Mâm dĭng dơi sŏk lơi ndơ pit in bơh ti nơm ktang? Bu dơi tâm rklaih đŏng bunuyh sŏng srăng bơh tâm ndrung?”

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Yêrêmi 15:21

“Gâp mra rklaih may bơh ti phung ƀai, Jêh ri sâm chuai may bơh phung kôranh djơh mhĭk.”

Yêrêmi 50:33

Brah Yêhôva ma phung tahan lah: “Phung kon sau Israel jêh ri phung kon sau Yuđa bu tŭn jot da dê; đơ phung nhŭp leo khân păng nkân khân păng ăn rjăp da dê, mâu ŭch mƀơk khân păng ôh.

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Nau Nhĭm Vơl 3:58

Ơ Kôranh Brah, May hŏ koh dŏng jêh nau di ăn ma gâp, Tâm chuai nau rêh gâp.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Sakari 9:16

Ta nar nây, Yêhôva Brah Ndu khân păng mra tâm rklaih ƀon lan khân păng Nâm bu phung biăp Păng; Khân păng mra sol ang ta klơ neh Nâm bu lŭ khlay nchrat rêp ƀlêp ta klơ đon hađăch,

Mathay 12:29

Mâu lah, mâm ƀư bu dơi lăp tâm ngih du huê bunuyh ktang gay pit drăp ndơ păng, tơlah bu mâu chăp lơi bunuyh ktang nây lor? Ăn păng chăp bunuyh nây, jêh nây mơ dơi ntŭng ndô ndơ tâm ngih păng.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 22:29

Brah Yêsu plơ̆ lah: “Khân may vĭ jêh, yorlah khân may mâu gĭt rbăng ôh Nau Brah Ndu Ngơi, mâu đŏng gĭt rbăng ma nau brah Brah Ndu.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.