Yêrêmi 29:20 - Nau Brah Ndu Ngơi 2023

²⁰ Ƀiălah, ơ khân may jêng phung bu nă Gâp hŏ njŭn bơh Yêrusalem tât ma bri Babilôn, iăt hom nau Brah Yêhôva;

Yêrêmi 29:20 ပူးပေါင်းရင်းမြစ်များ

Yêrêmi 24:5

“Yêhôva Brah Ndu phung Israel lah pô aơ: ‘Nâm bu play rvi ueh aơ, Gâp mra mât mray jêh ri ƀư nau ueh uĭn ăn ma phung bu nă tă bơh bri Yuđa, jêng phung Gâp hŏ njŭn leo jêh bơh ntŭk aơ ăn khân păng hăn rlet ma bri Kaldê.

Yêrêmi 29:1

Aơ jêng nau ngơi tâm samƀŭt nơm mbơh lor Y-Yêrêmi njuăl tă bơh Yêrusalem ăn ma phung bu ranh hôm klen tâm phung ƀư bu nă, ăn ma phung kôranh ƀư brah, ma phung nơm mbơh lor, jêh ri ma lĕ rngôch phung ƀon lan, hađăch Y-Nêbukatnetsar hŏ nhŭp tă bơh Yêrusalem leo ma bri Babilôn.

Yêrêmi 29:2

Samƀŭt nchih pakơi hađăch Jêkônia, mê̆ hađăch, lĕ phung kôranh bu char, lĕ phung kôranh Yuđa jêh ri Yêrusalem, phung blau rhăk jêh ri nơm chiăr bu hŏ njŭn jêh tă bơh Yêrusalem.

Yêrêmi 29:31

“Njuăl hom samƀŭt aơ tât ma lĕ rngôch phung bu hŏ veng jêh: Brah Yêhôva lah ma Y-Sêmaya, bunuyh ƀon Nêhêlam kơt aơ: ‘Y-Sêmaya hŏ mbơh lor jêh ma khân may, ƀư ma khân may rnơm ma nau ngơi mƀruh, Gâp mâu mâp mprơh păng ôh.’

Êsêkiêl 11:9

Gâp mra ngluh khân may tă bơh ƀon aơ jêh ri jao khân may tâm ti phung bu năch gay ma tâm rmal khân may.

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:15

Gâp hăn tât ma phung bu mprơh jêng bu nă gŭ ta ƀon Têlavip, gŭ ta kơh dak krong Kêbar. Gâp nsrŭng ta ntŭk khân păng dôl gŭ jêh ri gŭ ta nây ndrel ma khân păng tâm pơh nar, nuih n'hâm bêng ma nau rngot.

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.