Yêrêmi 25:35 - Nau Brah Ndu Ngơi 2023

³⁵ Phung rmăk biăp mâu hôm geh trong du der ôh, Phung kôranh leo phung biăp joi trong klaih mâu dơi lĕ.

Yêrêmi 25:35 ပူးပေါင်းရင်းမြစ်များ

Ndrom Samƀŭt bơh Yôp 11:20

Ƀiălah măt phung ƀai mra rgănh huơi; Joi trong du luh mâu saơ, Knŏng ŭch gơnh tăch n'hâm nglĕ dŭt.”

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 25:36

Ri, nau lŭng nter phung chiăp biăp, Nau nhĭm vơl phung kôranh leo phung biăp! Yorlah Brah Yêhôva ƀư rai ndrêch gơ̆ khân păng,

Yêrêmi 32:4

Y-Sêdêkia, hađăch Yuđa, mâu mra klaih ôh bơh ti phung Kaldê, ƀiălah bu mra jao păng tâm ti hađăch Babilôn. Y-Sêdêkia saơ đăp măt jêh ri tâm ngơi mbung đah mbung măt đah măt ma hađăch Babilôn nây.

Yêrêmi 34:3

May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 38:18

Ƀiălah tơlah may mâu yơr ti ôh đah phung kôranh hađăch Babilôn, ƀon aơ bu mra jao ma ti phung Kaldê, khân păng mra su ƀon aơ ma ŭnh, jêh ri may mâu mra klaih ôh tă bơh ti khân păng.’”

Yêrêmi 38:23

Lĕ rngôch phung ur kon hađăch bu mra njŭn leo ăn ma phung Kaldê; bi ma hađăch ăt mâu mra klaih ôh bơh ti khân păng, ƀiălah hađăch Babilôn mra nhŭp jêh ri bu mra su ƀon aơ ma ŭnh.”

Yêrêmi 48:44

Mbu nơm dơi du nchuăt tă bơh nau krit toyh Mra rhuh tâm ntu jru, Mbu nơm hao du luh tă ntu jru, Mra tŭp tâm dăk bu sân. Yorlah Gâp mra djôt năm nau tâm rmal Tât ma Môap,” Brah Yêhôva lah pônây.

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 17:18

Ngăn pônây yơh, Sêdêkia tâm rmot ma nau ton, chalơi rlau nau tâm rnglăp. Yorlah păng hŏ sŏk ti ƀư nau tâm rnglăp ƀiălah ăt hôm ƀư lĕ rngôch nau nây yor ri n'hêl nanê̆ păng mâu mra klaih ôh!’

Daniel 5:30

Măng nây ro, bu nkhĭt Belsasar, hađăch phung Kaldê.

Amôt 2:14

Bunuyh nchuăt dŭt prăl mâu mra dơi rklaih ôh; Bunuyh dăng ktang mâu lĕ dơi têm n'hâm suan păng, Jêh ri bunuyh janh ktang mâu mra dơi lĕ tâm rklaih nau rêh păng nơm.