Yêrêmi 25:34 - Nau Brah Ndu Ngơi 2023

³⁴ Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 25:34 ပူးပေါင်းရင်းမြစ်များ

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 34:6

Đao Brah Yêhôva krêp bêng ma mham, jêh ri ngi, Jêng mham kon biăp jêh ri be nkuăng, Ngi mlâm leh biăp nkuăng. Yorlah geh nau nhhơr mpa ƀư brah ma Brah Yêhôva ta ƀon Bôsra, Nau tâm nkhĭt toyh tâm bri Êđôm

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Yêrêmi 18:22

Dăn ăn bâr kuăl rklaih huy luh bơh ngih khân păng, Dôl May ƀư ăn phung ntŭng rduh lơh ndal! Yorlah khân păng hŏ kuyh ntu gay nhŭp gâp, Drăng dăk ăn ma jâng gâp chêh prah.

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 23:1

Brah Yêhôva lah: “Rêh ni ngăn ma phung rmăk biăp ƀư rai jêh ri ƀư nchah rai pru pra biăp tâm ndrêch gơ̆ Gâp!

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 25:23

Dêdan, Têma, Bus, phung ƀon lan poih sŏk bar đah n'geng tôr;

Yêrêmi 25:36

Ri, nau lŭng nter phung chiăp biăp, Nau nhĭm vơl phung kôranh leo phung biăp! Yorlah Brah Yêhôva ƀư rai ndrêch gơ̆ khân păng,

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Nau Nhĭm Vơl 4:21

Hơi kon bu ur Êđôm, gŭ tâm bri Us, Maak răm rhơn hom; Ƀiălah kachok ji nuih mra tât ta may, May mra nhŭl ndrănh jêh ri gŭ săk hưl.

Êsêkiêl 34:20

Yor nây, Kôranh Brah Yêhôva lah: ‘Aơ, Gâp nơm yơh mra phat dôih ndrăng biăp lay jêh ri biăp rgay.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Ndrom Samƀŭt bơh Ôsê 8:8

Israel bu sa rvăn jêh. Aƀaơ aơ khân păng gŭ ta nklang phung ƀon lan Nâm bu ndô ndơ bu mâu ŭch rŏng ôh.

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Sakari 10:3

“Nau Gâp ji nuih dŭt n'hâm tâm rdâng đah phung rmăk biăp, Gâp mra tâm rmal phung kôranh chiă uănh. Nôk Brah Yêhôva ma phung tahan chop khâl phung biăp Păng, jêng ngih Yuđa, Pôri mra ƀư ma khân păng nâm bu seh ndơ tâm lơh ma nau rnam hăn tâm lơh.

Sakari 11:3

Iăt hom, geh bâr phung rmăk biăp nhĭm vơl! Yorlah nau chrat ang khân păng lĕ rai jêh; Geh bâr rđuh ngrông bơh phung yau mŭr kon! Yor nau sưr Yurdan hŏ rai jêh!

Yakơ 5:5

Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;