Yêrêmi 25:32 - Nau Brah Ndu Ngơi 2023

³² Brah Yêhôva ma phung tahan lah: ‘Aơ, nau mhĭk mra lam ntŭk Bơh bri dak aơ rlet ma bri dak êng, Du rơh sial phŭt hâu ngăn văch tât Tă bơh ntŭk ngai ngăn ta neh ntu.’

Yêrêmi 25:32 ပူးပေါင်းရင်းမြစ်များ

II Nau Rêh Jêng 15:6

Bri dak aơ tŭn jot bri dak ri, ƀon aơ tŭn jot ƀon êng, yorlah Brah Ndu ƀư rŭng răng khân păng tâm ăp ntil nau rêh ni.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Yêrêmi 30:23

Aơ, sial phŭt Brah Yêhôva! Nau nuih Păng hŏ luh du jêh, Phŭt sial vănh blông rvah rvĭr Ta klơ bôk phung djơh mhĭk.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Luka 21:10

Jêh ri Păng lah thoi: “Phung ƀon lan aơ mra tâm rdâng đah phung ƀon lan aơ êng, bri dak tê̆ mra tâm lơh đah bri dak ri;

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.