Yêrêmi 25:29 - Nau Brah Ndu Ngơi 2023

²⁹ Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 25:29 ပူးပေါင်းရင်းမြစ်များ

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 11:31

Tơlah bunuyh sŏng srăng dơi mplơ̆ sĭt ta neh ntu aơ, Pôri nơm djơh mhĭk jêh ri nau tih mra mplơ̆ sĭt tanăp măt!

Nau Hôr 17:5

Mbu nơm mưch bunuyh ndĭt trơi jêng suai rak ma Nơm Rhăk Njêng păng; Mbu nơm maak răm ma nau rêh ni mâu mra klaih ôh bơh nau tâm rmal.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 19:3

May lah hom: ‘Hơi lĕ phung hađăch Yuđa jêh ri phung gŭ ta ƀon Yêrusalem, rkêng hom tôr iăt nau Brah Yêhôva. Brah Yêhôva ma phung tahan, Brah Ndu Israel lah: Aơ, Gâp mra nkhŭt nau mhĭk jŭr ntŭk aơ, kŏ tât mbu nơm tăng nau ngơi nây mra ji tôr,

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 49:12

Brah Yêhôva lah: “Aơ, lĕ rngôch phung mâu khư nhêt kachok aơ ăt mra nhêt ro; di lĕ may dơi klaih đah nau tâm rmal? May mâu mra klaih ôh đah nau tâm rmal, ƀiălah mra nhêt kachok nây.”

Êsêkiêl 14:17

Mâu lah tơlah Gâp ăn đao văch tât ta bri nây, jêh ri lah: ‘Đao mra rgăn ta bri nây jêh ri Gâp mra ƀư rai lơi bunuyh jêh ri mpô mpa tâm nây,’

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 38:21

Kôranh Brah Yêhôva lah: ‘Gâp mra kuăl đao tât tâm rdâng đah Y-Gôk ta klơ lĕ rngôch yôk Gâp. Ăp nơm mra plăch đao tâm rdâng đah oh nâu khân păng nơm.

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Apdia 1:16

Di ngăn, mâm nau khân may hŏ nhêt jêh ta yôk kloh ueh Gâp Pôri lĕ rngôch bri dak mra nhêt kơt nây; Di ngăn, khân păng mra nhêt jêh ri rvăn ro Jêh nây khân păng mra tâm ban ma ê hŏ mâp geh ôh!

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Luka 23:31

Yorlah tơlah bu ƀư kơt nĕ ma tơm si ndrêh, moh nau mra tât ma tơm si kro?”

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?