Yêrêmi 25:27 - Nau Brah Ndu Ngơi 2023

²⁷ “May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 25:27 ပူးပေါင်းရင်းမြစ်များ

Êsai 51:21

Iăt hom nau aơ, ơ nơm rêh ni, Jêng nơm nhŭl ƀiălah mâu di ma ndrănh ôh:

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 22:10

Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Yêrêmi 25:16

Khân păng mra nhêt, mra chuat hăn ndĭt ndiu jêh ri ji nuih yor đao Gâp njuăl ta nklang khân păng.”

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Nau Nhĭm Vơl 4:21

Hơi kon bu ur Êđôm, gŭ tâm bri Us, Maak răm rhơn hom; Ƀiălah kachok ji nuih mra tât ta may, May mra nhŭl ndrănh jêh ri gŭ săk hưl.

Amôt 8:14

Lĕ rngôch phung sơm ton ma brah n'gor Samari lah pô aơ: ‘Hơi Dan, tĭng nâm brah may gŭ rêh! Tĭng nâm bu brah Bêr-Sêba gŭ rêh!’ Lĕ rngôch khân păng mra cha lôt jêh ri mâu hôm dâk đŏng ôh.”

Nahum 3:11

Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.