Yêrêmi 25:25 - Nau Brah Ndu Ngơi 2023

²⁵ lĕ rngôch hađăch Simri, lĕ rngôch hađăch Êlam, lĕ rngôch hađăch Mêdơ;

Yêrêmi 25:25 ပူးပေါင်းရင်းမြစ်များ

Nau Ntơm 10:22

Phung kon bu klâu Y-Sem jêng Y-Êlam, Y-Asur, Y-Arpaksat, Y-Lut jêh ri Y-Aram.

Nau Ntơm 14:1

Tâm rnôk Y-Amraphel ƀư hađăch n'gor Sinar, Y-Ariôk ƀư hađăch ƀon Êlasar, Y-Kêdôr-lômer ƀư hađăch ƀon Êlam, jêh ri Y-Tidal ƀư hađăch ƀon Gôim,

Nau Ntơm 25:2

Bu ur nây deh ăn ma păng: Y-Simran, Y-Jôksan, Y-Mêdan, Y-Madian, Y-Isbak jêh ri Y-Sua.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 22:6

Phung Êlam cheng bĭ dơm hăr Ndrel ma ndeh seh jêh ri phung tahan ncho seh, Bi phung Kir djôt khêl rơm ndrăp tâm lơh.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:28

Rơm ndrăp hom lĕ bri dak hăn tâm lơh đah păng, Nây jêng phung hađăch bri Mêdơ, ndrel ma phung kôranh toyh, phung kôranh păng chiă uănh, Jêh ri lĕ rngôch bri khân păng chiă uănh!

Êsêkiêl 32:24

Ta nây geh phung Êlam ndrel ma lĕ rngôch phung lan âk păng gŭ văr jŭm môch păng. Lĕ rngôch lĕ bu nkhĭt da dê jêh ri chôt khĭt yor ma đao. Phung mâu hŏ dơn koh ntâu nây hŏ trŭnh tâm ntu jru tâm dâng neh, nây jêng phung srih nau nkrit toyh tâm bri dak phung hôm rêh. Khân păng geh nau bêk prêng ndrel ma phung trŭnh jêh ntŭk trôm jru.

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

Kôranh Oh Mon 2:9

Ƀaƀă phung Parthê, Mêđơ, Êlamit, phung gŭ ta Mêsôpôtami, n'gor Yuđa, n'gor Kapadôs, Pôntus, Asi,