Yêrêmi 25:17 - Nau Brah Ndu Ngơi 2023

¹⁷ Yor nây, gâp sŏk kachok nây bơh ti Brah Yêhôva jêh ri ăn lĕ rngôch bri dak Brah Yêhôva prơh gâp hăn tât ăn nhêt kachok nây tâm ban:

Yêrêmi 25:17 ပူးပေါင်းရင်းမြစ်များ

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 25:28

Tơlah khân păng mâu ŭch dơn ôh kachok bơh ti may gay ma nhêt, pôri ăn may lah ma khân păng pô aơ Brah Yêhôva ma phung tahan lah: ‘N'hêl nanê̆ khân may mra nhêt!

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 27:3

Jêh nây, ăn may njuăl samƀŭt tât ma hađăch bri Êđôm, hađăch bri Môap, hađăch phung kon sau Y-Amôn, hađăch bri Tyre, jêh ri hađăch bri Sidôn, tă bâr mbung phung mbơh văch jêh ma ƀon Yêrusalem tâm mâp đah ma Y-Sêdêkia, hađăch Yuđa.

Êsêkiêl 29:2

“Hơi kon bunuyh, rle hom muh măt may tâm rdâng đah Pharaôn, hađăch Êjipt, jêh ri mbơh lor nau tâm rdâng đah hađăch nây jêh ri lĕ rngôch n'gor bri Êjipt đŏng.

Êsêkiêl 3:2

Gâp hă trôm mbung jêh ri Păng ăn gâp sa klôt ndrom samƀŭt nây.

Êsêkiêl 43:3

Nau tâm saơ gâp saơ rnôk nây tâm ban đah nau tâm saơ hŏ mpơl ma gâp tơlah Păng văch ƀư rai ƀon aơ. Păng tâm ban đah nau tâm saơ gâp hŏ tâm saơ ta kơh dak krong Kêbar jêh ri gâp păn muh măt ta neh.

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.