Yêrêmi 23:11 - Nau Brah Ndu Ngơi 2023

¹¹ Brah Yêhôva lah: “Nơm mbơh lor nđâp kôranh ƀư brah mra rai da dê, Gâp saơ nau mhĭk khân păng tâm nklang ngih Gâp.

Yêrêmi 23:11 ပူးပေါင်းရင်းမြစ်များ

II Nau Rêh Jêng 33:5

Tâm bar ntŭk ndring nhuang ngih brah Brah Yêhôva, păng ndâk đŏng lĕ nơng ƀư brah ăn ma lĕ rngôch mănh klơ trôk.

II Nau Rêh Jêng 33:7

Păng ƀư rup brah jêh ri n'gân tâm ngih Brah Ndu, jêng ntŭk Brah Ndu lah jêh ma Y-Đavit jêh ri ma Y-Salômôn, kon bu klâu păng, pô aơ: “Tâm ngih brah aơ jêh ri ta ƀon Yêrusalem, jêng ƀon Gâp hŏ săch jêh tâm lĕ rngôch ndŭl mpôl phung Israel, Gâp mra dơm amoh Gâp gŭ n'ho ro.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Yêrêmi 11:15

Nơm Gâp rŏng hŏ ƀư nau mhĭk hôm lăp ngih Gâp moh ndơ gay ƀư đŏng? Gĭt lah âk puăch kloh ueh dơi king may klaih bơh nau tât ji tưp jêh ri ƀư ăn may dơi răm maak lĕ?

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Nau Nhĭm Vơl 2:20

Ơ Brah Yêhôva dăn mêt uănh! Mbu may hŏ ƀư nâm bu pô aơ? Mâm ƀư me păng sa lơi play proch khŭng păng nơm, Nây jêng phung kon păng nơm dôl ut ra u tâm ti? Mâm ƀư kôranh ƀư brah jêh ri nơm mbơh lor Geh lĕ bu nkhĭt tâm jrô kloh ueh Kôranh Brah?

Êsêkiêl 23:39

Jêh khân păng nkhĭt lơi kon păng nơm nhhơr ma rup brah, tâm nar nây, khân păng lăp tâm ntŭk kloh ueh Gâp gay ƀư ƀơ̆ ƀơch ntŭk nây! Nây jêng nau khân păng ƀư ta nklang ngih Gâp!

Êsêkiêl 44:10

Dôl phung Israel vĭ nhhơt pôri phung Lêvi du ngai đah Gâp tâm ban lĕ, chalơi Gâp gay pah kan phung rup brah; khân păng mra anh nau tih khân păng nơm.

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.