Yêrêmi 22:25 - Nau Brah Ndu Ngơi 2023

²⁵ Gâp mra jao may tâm ti phung ŭch ƀư mhĭk nau rêh may, tâm ti phung may klach, nây jêng tâm ti Nêbukatnetsar, hađăch Babilôn jêh ri tâm ti bunuyh Kaldê.

Yêrêmi 22:25 ပူးပေါင်းရင်းမြစ်များ

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Nau Hôr 10:24

Moh ntil ndơ phung ƀai klach mra tât ma khân păng, Ƀiălah ntil ndơ phung sŏng srăng ŭch mra dơi ăn geh.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 27:6

Aƀaơ, Gâp hŏ jao jêh lĕ rngôch bri aơ tâm ti Y-Nêbukatnetsar, hađăch bri Babilôn, oh mon Gâp. Nđâp ma lĕ rngôch mpô mpa tâm ndrêch Gâp ăt jao ma hađăch gay ma khân păng pah kan ma hađăch nây.

Yêrêmi 38:16

Hađăch Sêdêkia ton săk ma nau ndâp ma Y-Yêrêmi pô aơ: “Tĭng nâm Brah Yêhôva gŭ rêh mro mrăng, jêng Nơm hŏ rhăk njêng jêh huêng he, gâp mâu mra nkhĭt may ôh, jêh ri mâu jao may ma ti phung joi ngroh lơi nau rêh may ôh.”