Yêrêmi 22:18 - Nau Brah Ndu Ngơi 2023

¹⁸ Yor nây, ma nau Y-Jêhôjakim, kon bu klâu Y-Jôsia, hađăch Yuđa, Brah Yêhôva lah: “Bu mâu mra nhĭm vơl ôh ma păng: ‘Ơ nâu, nâu gâp ơi!’ mâu lah ‘Ơ yuh, yuh gâp ơi!’ Bu mâu lĕ klâng rngot ma păng: ‘Ơ kôranh, kôranh gâp!’ Mâu lah ‘Ơ nau chrêk rmah, nau chrêk rmah păng!’

Yêrêmi 22:18 ပူးပေါင်းရင်းမြစ်များ

II Samuel 1:26

Y-Jônathan, hơi nâu gâp! Nuih n'hâm gâp rngot klâng yor may. May hŏ ƀư maak jêh ma gâp âk ngăn; Nau may rŏng gâp jêng khlay ngăn, Rlau lơn ma nau rŏng phung bu ur.

I Phung Hađăch 13:30

Păng tâp brôi săk jăn khĭt bunuyh nây tâm môch păng nơm, jêh nây nhĭm nhhiăng: “Yô̆ nđach ngăn! bunuyh oh nâu gâp!”

II Phung Hađăch 23:36

Y-Jêhôjakim ntơm jêng hađăch tơlah geh bar jât ma prăm năm, jêh ri chiă uănh jât ma nguay năm ta ƀon Yêrusalem. Amoh mê̆ păng jêng H'Sêbida, kon bu ur Y-Pêdaya ta Ruma.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Phung Hađăch 24:6

Y-Jêhôjakim khĭt hăn ndrel ma phung chô yau păng nơm; kon păng jêng Y-Jêhôjakin chiă uănh thoi ntrok păng.

I Nau Rêh Jêng 3:15

Phung kon bu klâu Y-Jôsia: Y-Jôhanan jêng kon bu klâu bôk rah, Y-Jêhôjakim jêng kon rơh bar, Y-Sêdêkia jêng kon rơh pe, Y-Salum jêng kon rơh puăn.

II Nau Rêh Jêng 35:25

Y-Yêrêmi nchih nau mprơ rngot ma Y-Jôsia. Kŏ tât ta nar aơ, lĕ rngôch phung bu klâu bu ur ăt hôm mprơ nau mprơ rngot ma Y-Jôsia, jêh ri nau nây jêng du nau vay tâm bri Israel; lĕ nau aơ bu nchih jêh tâm Ndrom Samƀŭt Nau Mprơ Rngot.

II Nau Rêh Jêng 36:5

Y-Jêhôjakim ntơm jêng hađăch tơlah geh bar jât ma prăm năm, jêh ri chiă uănh jât ma nguay năm ta ƀon Yêrusalem. Păng ƀư nau mhĭk tanăp măt Yêhôva Brah Ndu păng.

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 21:11

Ma ngih hađăch Yuđa, may ngơi hom: ‘Iăt hom nau Brah Yêhôva ngơi.

Yêrêmi 22:10

Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Yêrêmi 22:12

ƀiălah mra khĭt ntŭk n'gor bu njŭn leo jêng bu nă jêh ri păng mâu hôm saơ đŏng ôh bri aơ.’

Yêrêmi 34:5

ƀiălah mra khĭt tâm nau đăp mpăn. Bu mra su ndơ ƀâu ăn ma may nâm bu hŏ su ăn ma phung chô yau may, jêng phung hađăch lor ma may jêh ri bu nhĭm vơl klâng may: “Vư, hơi kôranh ơi!” Gâp nơm yơh ngơi nau aơ, Brah Yêhôva lah pônây.’”

Yêrêmi 36:30

Yor nau nây, Brah Yêhôva lah ma Y-Jêhôjakim, hađăch Yuđa pô aơ: ‘Păng mâu mra geh du huê nơm gŭ ta sưng hađăch Đavit; săk jăn păng bu mra pla lơi tâm nklang duh dôl nar, jêh ri ăn bĕ dak ngom tâm dôl măng.