Yêrêmi 21:14 - Nau Brah Ndu Ngơi 2023

¹⁴ Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 21:14 ပူးပေါင်းရင်းမြစ်များ

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Yêrêmi 11:16

Brah Yêhôva hŏ tă kuăl săk may jêng ‘tơm ôlive ndrêh, play rkŭm âk ueh măt.’ Ƀiălah aƀaơ, ta nklang nau nteh vănh blông ngrông, Păng mpoh ŭnh su păng, lĕ n'gĭng păng rai lĕ.

Yêrêmi 11:22

Yor nây, Brah Yêhôva ma phung tahan lah: ‘Gâp mra phat dôih khân păng; phung bu klâu ndăm mra khĭt yor đao tak, phung bu klâu bu ur khân păng mra khĭt yor nau sât ji ngot;

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 22:1

Brah Yêhôva lah: “Hăn trŭnh hom rlet ma ngih hađăch Yuđa, ta nây may mbơh nau ngơi aơ.

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Yêrêmi 46:23

Brah Yêhôva lah: “Phung rlăng kăl ƀư rai krŏng păng, Nđâp lah bri nây krŏng mbâl, Yorlah khân păng jêng âk lơn ma phung krah ndrach, Mâu dơi kơp ôh.

Yêrêmi 50:32

Nơm sưr mra văk jâng chêh prah, Mâu geh nơm sâm rdâk an păng ôh. Gâp mra mpoh ŭnh su lĕ ƀon toyh păng, Ŭnh mra sa lĕ rngôch ndơ gŭ jŭm păng.”

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Yêrêmi 6:29

Nuh puh n'hâm dăng, Ndrak lêk hoch tâm ŭnh; Ƀiălah hŏ krĕt jêh krĕt tay ăt mâu khlay ôh, Yorlah phung mhĭk mâu hŏ bu mƀăr lơi.

Yêrêmi 9:25

Brah Yêhôva lah: “Aơ, mra tât nar Gâp tâm rmal phung knŏng dơn nau koh ntâu ta săk jăn,

Nau Nhĭm Vơl 2:3

Tâm nau ji nuih hâu ngăn, Păng koh lĕ rngôch nke phung Israel. Păng rhuăt lơi mpang ti pa ma, Dôl phung rlăng rduh lơh. Nâm bu chiông ŭnh hit Păng hŏ su jêh ta nklang bri Yakôb, Ŭnh sa lĕ rngôch ndơ gŭ jŭm.

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Sakari 11:1

Hơi bri Liban, ăn may pơk lĕ mpông, Ăn ŭnh sa lĕ tơm si sêdar may!