Yêrêmi 2:34 - Nau Brah Ndu Ngơi 2023

³⁴ Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 2:34 ပူးပေါင်းရင်းမြစ်များ

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

Nau Ngluh Êjipt 22:1

Tơlah mbu nơm nhŭp ntŭng du mlâm ndrôk mâu lah du mlâm biăp jêh nây nkhĭt mâu lah tăch lơi, ntrok hom prăm mlâm ndrôk tâm du mlâm ndrôk, jêh ri puăn mlâm biăp tâm du mlâm biăp.

Nau Ngluh Êjipt 22:2

Tơlah nơm ntŭng geh bu nhŭp dôl păng pơk mpông gay ntŭng kêng măng jêh ri dong păng tât khĭt, bunuyh nĕ mâu geh khan nau tih ƀư nau nkhŭt mham;

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 2:33

May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 7:31

Khân păng hŏ ndâk lĕ ntŭk prêh klơ Tôphet tâm rlŭng Ben-Hinôm, gay su phung kon bu klâu kon bu ur păng tâm ŭnh; nây jêng nau Gâp mâu ntĭm nti ôh ăt mâu prot mĭn tât.”

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Nau Nhĭm Vơl 4:14

Khân păng hăn nsong mblêng njŏ trong sâng Nâm bu bunuyh chieh măt. Lĕ mham ƀư ƀơ̆ Kŏ tât mâu geh nuyh pah bi tât ma bok ao khân păng.

Êsêkiêl 20:31

Tơlah nhhơr ndơ jêh ri nhhơr kon khân may gŭch ma ŭnh, khân may ƀư ƀơ̆ ma lĕ rngôch rup brah khân may kŏ tât ma nar aơ. Hơi ngih Israel, di lĕ Gâp ăn khân may ôp mro hĕ? Brah Yêhôva lah: Tĭng nâm Gâp gŭ rêh mro mrăng, Gâp mâu ăn khân may ôp ma Gâp ôh!

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 23:45

Ƀiălah phung bunuyh sŏng srăng mra phat dôih khân păng nâm bu phat dôih bu ur văng tĭr jêh ri bu ur ƀư pling mham, yorlah khân păng ƀư tih văng tĭr jêh ri ti khân păng krêp mham.

Êsêkiêl 24:7

Yorlah mham păng pling jêh hôm e ta nklang păng; Păng pling mham nây ta klơ lŭ chrêk Mâu pling ôh ta neh Gay ăn ma ndruyh neh brôi lơi.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’