Yêrêmi 18:13 - Nau Brah Ndu Ngơi 2023

¹³ Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Yêrêmi 18:13 ပူးပေါင်းရင်းမြစ်များ

Êsai 36:22

Y-Êliakim, kon bu klâu Y-Hilkia, kôranh mât uănh ngih hađăch, ndrel ma Y-Sêpna jêng kôranh nchih samƀŭt, jêh ri Y-Jôa jêng kôranh kâp nchih nau tât, kon bu klâu Y-Asap, nkhêk bok ao khân păng, plơ̆ sĭt tâm mâp đah hađăch Hêsêkia jêh ri nkoch tay ma păng lĕ nau Y-Rabshakeh ngơi.

Êsai 66:8

Mbu nơm mâp tăng nau tâm ban pônây? Mbu nơm mâp saơ nau geh tâm ban pônây? Geh lĕ du bri dak ji deh tâm du nar, Mâu lah du ndŭl mpôl bunuyh bu deh tâm du nar dơm? Bi ma ƀon Siôn ntơm bê̆ch veng ŭnh, Hŏ deh kon jêh.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 18:14

Mâp geh đŏng dak pler bri Liban Lêk hoch ta klơ n'gơn yôk lĕ? Mâu lah n'hor dak nđik hoch tât tă bơh ngai Suăt kro hêng lĕ?

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 5:30

Tâm neh aơ hŏ geh tât jêh Du nau klach nsâr jêh ri krit ngăn.

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Ndrom Samƀŭt bơh Ôsê 6:10

Tâm ngih Israel, Gâp hŏ saơ du ntil nau ƀơ̆ ngăn; Ta nây, Êphraim ƀư nau ka n'hong, Israel jêng ƀơ̆ ƀơch!

Amôt 5:1

Hơi ngih Israel, iăt hom nau aơ. Aơ jêng nau mprơ rngot gâp nhĭm vơl ma khân may:

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Samuel 4:7

ri mơ phung Philistin klach, yorlah khân păng lah pô aơ: “Du ntil brah lĕ tât tâm pôih tahan.” Jêh nây nter lah: “Rêh ni ngăn ma he! Yorlah bơh saơm mâu mâp geh nau tât kơt aơ ôh!