Yêrêmi 17:8 - Nau Brah Ndu Ngơi 2023

⁸ Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Yêrêmi 17:8 ပူးပေါင်းရင်းမြစ်များ

Ndrom Samƀŭt bơh Yôp 29:19

Reh gâp hung tât ăp tu dak, Jêh ri dak tŭk ăp măng kăr ta n'gĭng gâp;

Ndrom Samƀŭt bơh Yôp 8:16

Tâm dâng nchrat nar, phung mhĭk nâm bu tơm si ndrêh ueh, N'gĭng n'ha nkŭm lam ntŭk n'gar trao.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Hôr 11:28

Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 39:18

Yorlah nanê̆ ngăn Gâp mra rklaih may, may mâu mra khĭt tâm dâng mpiăt đao ôh. May mra mât mray nau rêh may nơm nâm bu dơi geh ndơ pit sŏk, yorlah may rnơm nsing jêh ma Gâp,’ Brah Yêhôva lah pônây.”

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”