Yêrêmi 17:23 - Nau Brah Ndu Ngơi 2023

²³ Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 17:23 ပူးပေါင်းရင်းမြစ်များ

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Nau Hôr 1:3

Gay sŏk dơn nau ntĭm nti rah vah, Gay gŭ rêh nau sŏng, nau di jêh ri nau n'hêl nanê̆;

Nau Hôr 1:5

Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 5:12

May mra kuăl huy: “Mâm gâp hŏ rmot ma nau ntĭm nti, Jêh ri nuih n'hâm gâp mưch ma nau nduyh!

Nau Hôr 8:10

Dơn hom nau gâp ntĭm nti ueh lơn ma dơn prăk, Sŏk dơn nau blau mĭn rlau lơn ma mah ngăn;

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Yêrêmi 11:10

Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 32:33

Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 6:8

Hơi Yêrusalem, iăt hom nau ntăm, Lah mâu Gâp mra dĭl chalơi may, Ƀư ăn may jêng rngot njăp, Neh may mâu hôm bunuyh gŭ.”

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:16

Yorlah khân păng dun jêh nau vay ƀư bơh Gâp, mâu tông nau vay dăp Gâp jêh ri ƀư ƀơ̆ jêh ma lĕ nar saƀat Gâp, yorlah nuih khân păng rle mpeh ma rup brah khân păng nơm.

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”