Yêrêmi 14:19 - Nau Brah Ndu Ngơi 2023

¹⁹ “May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 14:19 ပူးပေါင်းရင်းမြစ်များ

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Ndrom Samƀŭt bơh Yôp 30:26

Ƀiălah nôk gâp gŭ kâp nau ueh, nkhơng ma nau mhĭk văch; Gâp kâp gân nau ang ƀiălah nau ngo nkhơng văch tât.

Nau Mprơ Ơm 78:59

Tăng nau nây, Brah Ndu ji nuih; Păng tâm rmot chalơi ngăn ma phung Israel.

Nau Mprơ Ơm 89:38

Ƀiălah aƀaơ May chalơi jêh ri mưch păng, Ji nuih ma păng nơm May troch jêh dak ngi.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Yêrêmi 12:7

Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 12:8

Drăp ndơn Gâp tâm rdâng đah Gâp Nâm bu yau mŭr tâm bri, Rđuh ngrông đah Gâp; Yor nây Gâp tâm rmot khân păng.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 30:12

Brah Yêhôva lah: ‘Nau rmanh may mâu dơi bah ôh, Sôt rmanh may glăm ngăn.

Yêrêmi 30:13

Mâu geh du huê koh dŏng ăn ma may, Sôt rmanh vay dơi săm bah, Ƀiălah may mâu geh dak si săm ôh.

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Yêrêmi 6:30

Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Yêrêmi 8:15

He gŭ kâp nau đăp mpăn, Ƀiălah mâu saơ nau ueh ngăn tât ôh; Ŭch kâp năng ƀư bah, Knŏng saơ nau krit klach.

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Nau Nhĭm Vơl 4:17

Măt hên huơi ngăn, Dơm dam gŭ kâp nau kơl tâm rklaih! Tă bơh pôih gak, hên gŭ kâp Du mpôl băl mâu dơi tâm rklaih hên.

Nau Nhĭm Vơl 5:22

Di lĕ May lĕ chalơi jêh hên, Jêh ri ji nuih ma hên hâu ngăn?

Mika 1:12

Phung gŭ ta ƀon Marôt ƀrơn nuih n'hâm Dôl kâp gân nau ueh, Yorlah nau rêh ni jŭr tă bơh Brah Yêhôva Hŏ tât ta mpông ƀon Yêrusalem.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.