Yêrêmi 11:17 - Nau Brah Ndu Ngơi 2023

¹⁷ Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 11:17 ပူးပေါင်းရင်းမြစ်များ

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

II Nau Rêh Jêng 28:25

Tâm ăp ƀon n'gor Yuđa, păng ƀư ntŭk prêh gay su ndơ ƀâu kah ma phung brah êng, gay nsônh ăn Yêhôva Brah Ndu phung chô yau păng ji nuih.

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 80:15

Jêng tơm krăk ƀâu ti ma May tăm jêh, Jêh ri jêng nkeh May hŏ ăn jêh nau ktang.

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 1:14

Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 11:13

Yorlah, hơi phung Yuđa, ndah âk ƀon khân may geh ăt geh âk brah kơt nây lĕ! Ndah âk Yêrusalem geh trong toyh ăt khân may ndâk âk kơt nây lĕ nơng ƀư brah ăn brah di ma nau prêng, jêng lĕ nơng ƀư brah nhhơr ndơ ƀâu kah ăn brah Baal!’

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 18:8

ƀiălah tơlah bri dak Gâp tâm nal ma nau tâm rmal nây chalơi nau mhĭk pôri Gâp mra plơ̆ rgâl nau mĭn ƀư nau mhĭk ma khân păng.

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 26:13

Nôk aơ nkra hom trong khân may jêh ri nau khân may ƀư. Tông hom bâr Yêhôva Brah Ndu khân may pôri Brah Yêhôva mra rgâl nau mĭn ƀư lĕ nau mhĭk Păng hŏ mbơh ma khân may.

Yêrêmi 26:19

Y-Hêsêkia, hađăch Yuđa, jêh ri lĕ rngôch ƀon lan phung Yuđa nkhĭt lơi păng nây lĕ? Mâu di hĕ hađăch hŏ klach yơk ma Brah Yêhôva jêh ri vơl dăn nau yô̆ Brah Yêhôva, pôri Brah Yêhôva tâm rgâl nau mĭn mâu nkhŭt nau mhĭk tâm ban ma Păng hŏ mbơh lor jêh ma khân păng lĕ? Bi aƀaơ he ŭch vơt dơn nau mhĭk toyh ngăn ma he nơm!”

Yêrêmi 32:29

Phung Kaldê dôl rduh tâm lơh đah ƀon aơ mra văch tât su ƀon aơ, su rai lơi lĕ ngih bu nhhơr ndơ ƀâu kah ma brah Baal ta klơ chor jêh ri ƀư ndơ nhhơr nhêt ăn ma brah êng, gay nsônh nuih Gâp.

Yêrêmi 32:30

Yorlah ntơm bơh kon se, phung kon sau Israel jêh ri phung kon Yuđa knŏng gĭt ƀư nau mhĭk tâm dâng măt Gâp. Nanê̆ ngăn, phung kon sau Israel knŏng nsônh nuih Gâp ma lĕ kan ti khân păng ƀư, Brah Yêhôva lah pônây.

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 36:7

Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Yêrêmi 40:2

Kôranh chiă uănh toyh phung tahan gak prơh kuăl Y-Yêrêmi tât jêh ri lah: “Yêhôva Brah Ndu khân may hŏ tâm nal ntrŭnh jêh nau mhĭk jŭr ta ntŭk aơ

Yêrêmi 40:3

jêh ri Brah Yêhôva hŏ ƀư jêh tĭng nau păng hŏ lah. Yorlah khân may ƀư tih tâm rdâng đah Brah Yêhôva jêh ri mâu tông bâr Păng ôh yor ri nau aơ hŏ geh tât jêh ăn ma khân may.

Yêrêmi 42:10

‘Tơlah khân may hôm dŏng gŭ tâm n'gor bri aơ pôri Gâp mra ndâk mâu rơih lơi ôh, mra brôi tăm mâu geh rôk lơi ôh; yorlah Gâp nhhuach ma nau mhĭk Gâp hŏ ƀư jêh ma khân may.

Yêrêmi 44:5

Ƀiălah khân păng mâu iăt ôh, mâu lĕ rkêng tôr iăt, mâu chalơi ôh nau ƀai jêh ri hôm nhhơr ndơ ƀâu kah ăn ma phung brah êng.

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 45:4

May lah hom ma păng pô aơ: “Brah Yêhôva lah: ‘Aơ, Gâp mra klưh lơi moh ndơ Gâp hŏ ndâk jêh, Gâp mra rôk lơi moh ndơ Gâp hŏ tăm jêh, jêh ri nau nây mra geh tât tâm lam neh ntu.

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Êsêkiêl 17:5

Jêh nây, păng sŏk ntil bơh bri nây djôt tăm tâm neh ueh, dơm dăch ntŭk âk dak jêh ri tăm nâm bu tơm si yôr.

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.