Yêrêmi 10:22 - Nau Brah Ndu Ngơi 2023

²² Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 10:22 ပူးပေါင်းရင်းမြစ်များ

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Yêrêmi 1:14

Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 1:15

Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 4:15

Yorlah geh bâr mbơh tă bơh neh Dan, Jêh ri mbơh nau ji tưp tă bơh yôk Êphraim.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 49:33

“Ƀon bri hađăch Hasôr mra jêng trôm so bri, Jêng ntŭk rngot njăp mro mrăng, Mâu hôm geh bunuyh gŭ ta nây đŏng ôh; Kŏ mâu geh lĕ du huê bunuyh tât gŭ njưh ta nây!”

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Êsêkiêl 12:19

May mbơh hom ma ƀon lan tâm n'gor pô aơ: ‘Aơ jêng nau Brah Yêhôva lah ma phung gŭ tâm ƀon Yêrusalem, jêh ri tâm bri Israel: Khân păng sa piăng let khân păng ma nau klach jêh ri nhêt dak tâm nau klach krit, yorlah bri aơ geh ndơ sông sa mra jêng rngot njăp yor nau ƀai lĕ rngôch phung gŭ ta nây.

Malachi 1:3

Ƀiălah Gâp lĕ rŏng Y-Yakôb jêh ri tâm rmot ma Y-Êsau. Gâp mra ƀư rai gôl yôk păng mra jêng rngol, jêh ri jao lơi drăp ndơn păng ăn ma phung so bri tâm bri rdah.”