Yakơ 5:8 - Nau Brah Ndu Ngơi 2023

⁸ Khân may tâm ban lĕ, srôih hom. Gŭ nâp hom nuih n'hâm, yorlah nar Kôranh Brah plơ̆ văch hŏ dăch jêh.

Bunong Bible Latin Script Cambodian dialect

⁸ Ăn khân ay may gŭ kŏp ma nuih n'hâm ăt nuih tâm ban kơt nây đŏng, ăn khân ay may geh nuih n'hâm nâp, yorlah nar Kôranh Yêsu plơ̆ văch bơi tât jêh.

Bunong

⁸ អ៝ន់​ខាន់​អៃ​មៃ​គុ​ក៝ប់​មា​នូយ្ស​នហ៝ម់​អ៝ត់​នូយ្ស​តឹម​ឞាន​កើត​នៃ​ដ៝ង់ អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់ យ៝រ​លាស​នារ​កោរាញ​យេឆូ  ​ព្លឹ​វាច់​ឞើយ​ត៝ត់​ជេស។

Yakơ 5:8 ပူးပေါင်းရင်းမြစ်များ

Nau Ntơm 49:18

Ơ Brah Yêhôva! Gâp gŭ kâp nau May sâm rklaih!

Nau Mprơ Ơm 130:5

Gâp kâp gân Brah Yêhôva, huêng gâp kâp gân Păng; Gâp kâp gân tâm nau Păng ngơi.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Luka 21:19

Ma nau srôih yơh khân may mra tâm rklaih huêng khân may.

Yôhan 21:22

Brah Yêsu plơ̆ lah: “Lah Gâp ŭch bunuyh nây gŭ rêh tât Gâp plơ̆ văch, mpa kô̆ tât nau nây ma may? Bi may, tĭng hom Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

I Têsalônik 2:19

Yorlah nau kâp gân, nau răm maak, jêh ri đon hađăch khư tâm rnê ma hên tanăp Kôranh Brah he jêng Brah Yêsu, lah Păng plơ̆ văch moh nau, tơlah mâu di jêng khân may nơm?

I Têsalônik 3:13

tă bơh nĕ Păng ƀư ăn khân may geh nau nâp nuih n'hâm, nau kloh ueh, mâu geh ôh nau nduyh tanăp Brah Ndu, Mbơ̆ he, Brah Yêsu, Kôranh Brah he plơ̆ văch ndrel ma lĕ rngôch phung kloh ueh Păng!

II Têsalônik 3:5

Dăn Kôranh Brah leo ntĭm nuih n'hâm khân may văch ma nau Brah Ndu rŏng jêh ri ma nau srôih tâm Brah Krist!

Yakơ 5:3

Prăk mah khân may lĕ ek găm, nau ek găm nây mra jêng nau mbơh tâm rdâng đah khân may jêh ri păng mra sa nglay săk khân may nâm bu ŭnh sa. Khân may rvê bun prăp ma lĕ nar nglĕ dŭt!

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!