Yakơ 5:5 - Nau Brah Ndu Ngơi 2023

⁵ Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;

Bunong Bible Latin Script Cambodian dialect

⁵ Khân ay may gŭ rêh ta neh ntu dja pơh ma sa kah vah ngi, rŏng ma rnglay săk ŭch dŭt ueh răm maak ngăn, tâm ban ma ndrôk sa lây, yơn ma bu mra mbang păng ma sa, kơt nây đŏng, khân ay may jan tih ŏk pơh ma răm maak khân ay may nơm dơm, yơn ma Kôranh Brah mra tê̆ dôih jru ma khân ay may.

Bunong

⁵ ខាន់​អៃ​មៃ​គុ​រេស​តា​នែស​នតូ​អ្យា​ពើស​មា​ឆា​កាស​វាស​ងី រ៝ង់​មា​រាង្លៃ​ឆាក់​អុច​ទុត​អ្វែស​រាម់​មអាក​ងាន់ តឹម​ឞាន​មា​នទ្រោក​ឆា​លៃ យើន​មា​ឞូ​មរា​មឞាង​ពាង់​មា​ឆា កើត​នៃ​ដ៝ង់ ខាន់​អៃ​មៃ​ជាន​តីស​អ៝ក់​ពើស​មា​រាម់​មអាក​ខាន់​អៃ​មៃ​នើម​ទើម យើន​មា​កោរាញ​ឞ្រាស​មរា​តេៈ​ទោយ្ស​ជ្រូ​មា​ខាន់​អៃ​មៃ។

Yakơ 5:5 ပူးပေါင်းရင်းမြစ်များ

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Nau Mprơ Ơm 73:7

Măt khân păng luh mpơl tâm ngi; Nuih n'hâm khân păng bêng nau mĭn brŭt moih.

Nau Hôr 17:1

Ueh lơn du glo piăng let kro geh nau tâm rnglăp Rlau lơn đah ngih bêng ma puăch ƀư brah nkhơng tâm djrel.

Nau Hôr 7:14

“Gâp hŏ nhhơr jêh ndơ nhhơr ƀư brah ma nau đăp mpăn, Nar aơ gâp mplơ̆ lôch jêh lĕ nau ton.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 3:16

Brah Yêhôva lah: “Yorlah phung kon bu ur ƀon Siôn jêng sưr, Ƀă hăn ƀă n'gơr trô ko klơ, Măt uănh ma nau kơnh, Ƀă hăn ƀư ê he, Ƀă ăn nteh kông jâng khân păng,

Êsai 47:8

Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Êsêkiêl 16:49

Aơ jêng nau djơh mhĭk oh bu ur ay jêng ƀon Sôdôm: Păng jêh ri phung kon bu ur păng geh nau sưr, ndơ sông sa rlau keh, jêh ri kơr ƀlao, ƀiălah păng mâu kơl ôh phung o ach jêh ri phung mâu geh ndô ndơ.

Êsêkiêl 39:17

Hơi kon bunuyh, Kôranh Brah Yêhôva lah: ‘Ngơi hom ma ăp phung sĭm jêh ri lĕ rngôch mpa bri pô aơ: Văch rgum hom tă bơh lam ntŭk puăn njônh jêh ri gŭ văr jŭm du mlâm mpa ƀư brah Gâp nkra jêh ăn ma khân may, nây jêng du mpa ƀư brah toyh ta klơ yôk Israel gay ma khân may dơi sa puăch jêh ri nhêt mham.

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 16:25

Ƀiălah Y-Abraham plơ̆ lah: ‘Hơi kon, kah gĭt tay hom dôl may gŭ rêh, may dơi dơn lĕ nau ueh jêh, bi Y-Lasar dơn âk nau djơh; aƀaơ aơ, păng geh nau bonh leng, bi may gŭ tâm nau rêh ni dŭt hâu ngăn.

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

I Timôthê 5:6

Ƀiălah mbu jêng bu ur ndrô gŭ rêh tâm nau mpŭng prăk blă blơ, nđâp lah gŭ rêh tâm ban ma khĭt đŏng.

II Timôthê 3:4

ƀlăch ƀlêr, gơnh nuih, bêng ma nau sưr, ŭch ma nau pâl maak rlau lơn ma rŏng Brah Ndu,

II Pêtrôs 2:13

jêh ri sŏk dơn prăk nkhôm ma nau mâu di khân păng nơm. Khân păng uănh nau nhêt sa blă blơ dôl nôk nar jêng nau pâl maak. Khân păng jêng mbên ƀơ̆, têl ƀơ̆ ƀơch, hâk răm tâm âk nau ndơm mƀruh dôl gŭ sông sa nhêt ndrel ma khân may;

Yuđas 1:12

Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.

I Samuel 25:6

jêh ri lah pô aơ: ‘Ăn nau đăp mpăn gŭ ndrel may, ăn nau đăp mpăn gŭ ndrel ma ngih vâl may jêh ri ma lĕ rngôch ndơ may geh!