Yakơ 5:16 - Nau Brah Ndu Ngơi 2023

¹⁶ Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

Bunong Bible Latin Script Cambodian dialect

¹⁶ Lah ndri ăn khân ay may tâm nkoch nau tih ăn ma ndrăng nơm, n'ho ma tâm kơl mbơh sơm ndrăng nơm, gay ma bah nau ji. Nau mbơh sơm bunuyh sŏng geh nau dơi geh nau tam ngăn.

Bunong

¹⁶ លាស​នទ្រី​អ៝ន់​ខាន់​អៃ​មៃ​តឹម​ងក៝ច​នាវ​តីស​អ៝ន់​មា​នទ្រាង់​នើម នហ៝​មា​តឹម​កើល​មឞើស​ឆើម​នទ្រាង់​នើម គៃ​មា​ឞាស​នាវ​ជី។ នាវ​មឞើស​ឆើម​ឞូនុយ្ស​ឆ៝ង់​គែស​នាវ​ទើយ​គែស​នាវ​តាម​ងាន់។

Yakơ 5:16 ပူးပေါင်းရင်းမြစ်များ

Nau Ntơm 19:29

Nôk Brah Ndu ƀư rai lĕ ƀon tâm neh lâng, ntŭk Y-Lot dôl gŭ, Păng kah gĭt ma Y-Abraham rĭ dĭng hŏ rklaih jêh Y-Lot du luh bơh nau ƀư rai nây.

Nau Ntơm 20:17

Jêh nau nây, Y-Abraham mbơh sơm dăn Brah Ndu jêh ri Brah Ndu ƀư bah Y-Abimêlek, ur păng, nđâp phung oh mon bu ur hađăch gay khân păng dơi geh kon.

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

II Samuel 19:19

jêh ri lah: “Vơl dăn ma kôranh gâp lơi klăp ndăng ôh nau tih gâp, jêh ri lơi hôm kah gĭt ma nau djơh mhĭk oh mon may hŏ ƀư tih jêh tâm nar hađăch jêng kôranh gâp du luh tă bơh Yêrusalem. Dăn hađăch lơi djôt prăp ôh nau nây tâm nuih n'hâm.

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

II Nau Rêh Jêng 30:20

Brah Yêhôva iăt nau mbơh sơm bơh Y-Hêsêkia jêh ri ƀư bah an phung ƀon lan.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Ngluh Êjipt 17:11

Ăp tơ̆ Y-Môis yơr ti, phung tahan Israel dơi; ƀiălah dôl păng mƀơk ti păng phung tahan Amalek dơi.

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Nau Kơp Bunuyh 11:2

Phung ƀon lan kuăl ma Y-Môis. Y-Môis mbơh sơm ma Brah Yêhôva jêh ri ŭnh rngơt ro.

Mathay 21:22

Tâm dôl mbơh sơm, lĕ rngôch nau khân may dăn ma nau chroh mra sŏk dơn lĕ.”

Mathay 3:6

Khân păng mbơh nau tih jêh ri păng ƀư ƀaptem ma khân păng tâm dak krong Yurdan.

Markôs 1:5

Phung ƀon lan lam n'gor bri Yuđa jêh ri ƀon Yêrusalem hăn ma păng da dê, mbơh nau tih khân păng nơm jêh ri Y-Yôhan ƀư ƀaptem ma khân păng tâm dak krong Yurdan.

Luka 9:6

Pôri, phung kôranh oh mon luh hăn, rgăn âk ƀon jê̆, mbơh nkoch Nau Mhe Mhan Ueh lam ntŭk jêh ri ƀư bah bunuyh ji.

Yôhan 9:31

He gĭt Brah Ndu mâu iăt ôh phung bunuyh geh nau tih, ƀiălah tơlah mbu nơm klach yơk ma Păng, jêh ri ƀư tĭng nâm nau mĭn Păng ŭch ri mơ Brah Ndu iăt nau păng.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 19:18

Âk bunuyh hŏ chroh jêh, văch mbơh nau tih jêh ri mpơl ma lĕ nau khân păng ƀư jêh.

Kôranh Oh Mon 8:24

Y-Simôn plơ̆ lah: “Mbơh sơm hom ma Kôranh Brah an gâp, gay gâp mâu khan nau khân may lah nây.”

Samƀŭt Pôl Njuăl Ăn Ma Phung Nsing Ta Ƀon Rôm 3:10

mâm bu nchih jêh pô aơ: Mâu geh du huê bunuyh sŏng srăng ôh, Nđâp tơlah du huê mâu geh đŏng.

Samƀŭt Pôl Njuăl Ăn Ma Phung Nsing Ta Ƀon Rôm 5:19

Yorlah, tă bơh du huê nau mâu tông bâr ƀư ăn ma âk bunuyh plơ̆ jêng bunuyh tih, tâm ban lĕ, yor du huê Bunuyh tông bâr ƀư ăn ma âk bunuyh mra plơ̆ jêng sŏng srăng.

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

I Têsalônik 5:17

mbơh sơm hom mâu rlu;

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

I Têsalônik 5:25

Hơi phung oh nâu, dăn mbơh sơm ma hên ƀă.

ហេឞ្រើ 11:4

Yor ma nau chroh, Y-Abel nhhơr jêh ma Brah Ndu du mpa ƀư brah ueh lơn ma Y-Kain, jêh ri păng geh nau mbơh jêng sŏng srăng nôk Brah Ndu dơn jêh ndơ nhhơr nây. Tă bơh nĕ đŏng, nđâp tơlah khĭt jêh, păng ăt hôm ngơi.

ហេឞ្រើ 11:7

Yor ma nau chroh, Brah Ndu mbơh lor ma Y-Nôê ma lĕ ndơ ê hŏ saơ ôh, jêh ri păng klach yơk ma nau nanê̆ ngăn, ndâk du mlâm kumpăn gay ma tâm rklaih rnăk vâl păng nơm. Bơh nau nây, păng dơi rmal neh ntu jêh ri jêng nơm dơn nau sŏng srăng tât bơh nau chroh.

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.

Yôsuê 10:12

Tâm nar Brah Yêhôva jao phung Amôrit tâm ti phung Israel, Y-Yôsuê ngơi ma Brah Yêhôva tanăp măt phung Israel pô aơ: “Hơi nar, gŭ nsrŭng hom ta klơ Gibêôn! Hơi khay, gŭ nsrŭng hom tâm rlŭng Aijalon!”

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.

I Samuel 1:12

Tâm nôk H'Anna mbơh sơm jŏ jong ngăn tanăp măt Brah Yêhôva, Y-Êli kâp uănh trôm mbung păng.

I Samuel 12:17

Nar aơ, mâu hĕ di jêng yan rek ba ƀlê? Gâp mra kuăl mbơh sơm ma Brah Yêhôva, jêh ri Păng mra ƀư lơp nglaih jêh ri mih. Ăn khân may gĭt jêh ri saơ ma nau dăn du huê hađăch jêng du nau tih toyh khân may hŏ ƀư tih tanăp măt Brah Yêhôva.”

I Samuel 12:18

Jêh nây Y-Samuel vơl dăn ma Brah Yêhôva. Tâm nar nây, Brah Yêhôva ƀư lơp nglaih jêh ri dak mih. Lĕ rngôch phung ƀon lan klach yơk ngăn ma Brah Yêhôva jêh ri ma Y-Samuel.