Yakơ 5:14 - Nau Brah Ndu Ngơi 2023

¹⁴ Mbu moh tâm khân may geh nau ji kuet? Bunuyh nây jă hom phung kôranh bu ranh Phung Ngih Brah Ndu văch; khân păng mra mbơh sơm an tâm amoh Kôranh Brah jêh ri mhĭng dak ngi ôlive ma bunuyh ji.

Bunong Bible Latin Script Cambodian dialect

¹⁴ Lah geh bunuyh ji, ăn păng kuăl mpôl kôranh phung nsing, gay ma kơl mbơh sơm ma bunuyh ji i nây, ndrel ma hâng dak ngi ta săk bunuyh ji nây, dăn ta rnha Kôranh Yêsu.

Bunong

¹⁴ លាស​គែស​ឞូនុយ្ស​ជី អ៝ន់​ពាង់​ក្វាល់​មពោល​កោរាញ​ផូង​ញឆីង គៃ​មា​កើល​មឞើស​ឆើម​មា​ឞូនុយ្ស​ជី​អី​នៃ នទ្រែល​មា​ហឹង​ទាក​ងី​តា​ឆាក់​ឞូនុយ្ស​ជី​នៃ ទាន់​តា​រាញា​កោរាញ​យេឆូ  ។

Yakơ 5:14 ပူးပေါင်းရင်းမြစ်များ

I Phung Hađăch 17:21

Păng dop săk păng ta klơ kon se nây pe tơ̆ jêh ri kuăl mbơh sơm ma Brah Yêhôva: “Hơi Yêhôva Brah Ndu gâp! Dăn ma Kôranh Brah ƀư ăn n'hâm rêh kon se aơ plơ̆ sĭt tay tâm păng.”

II Phung Hađăch 4:33

Y-Êlisê lăp tâm jrô, nchăng mpông, knŏng geh păng jêh ri kon se jê̆, jêh nây gŭ mbơh sơm ma Brah Yêhôva.

II Phung Hađăch 5:11

Ƀiălah Y-Naaman ji nuih, dâk sĭt jêh ri lah: “Gâp gŭ mĭn păng nơm mra hăn luh chuă vơt gâp jêh ri vơl dăn amoh Yêhôva Brah Ndu păng, yơr ti păng prot găn ta klơ ntŭk geh phŭng jêh ri ƀư bah ma gâp.

Markôs 16:18

nhŭp bêh tâm ti, mâu lah tơlah geh nhêt dak kăch mâu đŏng geh khêh; khân păng pah ti ta bunuyh ji kuet pôri bunuyh ji kuet mra dơi bah.”

Markôs 6:13

Khân păng mprơh âk brah mhĭk, mhĭng dak ngi jêh ri ƀư bah phung ji.

Kôranh Oh Mon 11:30

Khân păng ƀư nau nây jêh ri njuăl ndơ ăn ma phung bu ranh tă ma ti Y-Ƀarnaƀas jêh ri Y-Sôl.

Kôranh Oh Mon 14:23

Jêh khân păng săch phung kôranh bu ranh tâm ăp Phung Ngih Brah Ndu, bar hê kôranh oh mon mbơh sơm, ât sông sa, jêh ri jao phung nây ma Kôranh Brah jêng Nơm khân păng rnơm nsing.

Kôranh Oh Mon 15:4

Tât ta ƀon Yêrusalem, Phung Ngih Brah Ndu, phung kôranh oh mon jêh ri phung kôranh bu ranh vơt rom khân păng, jêh ri khân păng nkoch bri ma phung nây lĕ nau Brah Ndu đă khân păng ƀư.

Kôranh Oh Mon 28:8

Nôk nây, mbơ̆ Y-Publius lâng bê̆ch ta sưng yor ji kăt jêh ri ji ndŭl. Y-Pôl hăn jô̆ khâl, mbơh sơm, pah ti ta păng jêh ri ƀư bah păng.

Kôranh Oh Mon 9:40

Y-Pêtrôs đă lĕ rngôch bunuyh du luh padih, jêh ri chon kômâk mbơh sơm. Pakơi nây, păng n'gĭl uănh ta săk jăn bunuyh khĭt jêh ri lah: “Hơi H'Tabitha, dâk hom ay!” Păng lin măt saơ Y-Pêtrôs, dâk gŭ ro.

Titus 1:5

Gâp chalơi jêh may tâm n'gor Kret gay ma may dăp nkra lĕ nau kan ê hŏ lôch ôh, jêh ri sâm jao kan phung kôranh bu ranh tâm ăp ƀon tâm ban gâp ntĭm jêh ma may.