Yakơ 5:11 - Nau Brah Ndu Ngơi 2023

¹¹ Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

Bunong Bible Latin Script Cambodian dialect

¹¹ Lŏng bu moh i vay gŭ nâp ta nau jêr jŏt, bân kơp bunuyh i nây Kôranh Brah ăn nau geh jêng. Kơt lah khân ay may lĕ vay tăng jêh ma du huê Yôp kăl e nơh, păng vay gŭ nâp ta nau jêr jŏt, jêh ri khân ay may lĕ gĭt đŏng tât bơh kơi nây Kôranh Brah ăn nau geh jêng ma păng lơ ma hô, yorlah Kôranh Brah geh nuih n'hâm ueh, geh nuih n'hâm yô̆ nđach dŭt hô ngăn.

Bunong

¹¹ ល៝ង់​ឞូ​ម៝ស​អី​វៃ​គុ​ន៝ប់​តា​នាវ​ជេរ​ជ៝ត់ ឞ៝ន់​កើប​ឞូនុយ្ស​អី​នៃ​កោរាញ​ឞ្រាស​អ៝ន់​នាវ​គែស​ជេង។ កើត​លាស​ខាន់​អៃ​មៃ​លែៈ​វៃ​តាង់​ជេស​មា​ទូ​ហ្វេ​យោប  ​កាល់​អែ​នើស ពាង់​វៃ​គុ​ន៝ប់​តា​នាវ​ជេរ​ជ៝ត់ ជេសរី​ខាន់​អៃ​មៃ​លែៈ​គឹត​ដ៝ង់​ត៝ត់​ឞើស​កើយ​នៃ​កោរាញ​ឞ្រាស​អ៝ន់​នាវ​គែស​ជេង​មា​ពាង់​លើ​មា​ហោ យ៝រ​លាស​កោរាញ​ឞ្រាស​គែស​នូយ្ស​នហ៝ម់​អ្វែស គែស​នូយ្ស​នហ៝ម់​យោៈ​នអាច​ទុត​ហោ​ងាន់។

Yakơ 5:11 ပူးပေါင်းရင်းမြစ်များ

I Nau Rêh Jêng 21:13

Y-Đavit lah ma Y-Gat: “Gâp tŭp tâm nau rêh ni toyh ngăn. Ăn gâp tŭp tâm ti Brah Yêhôva, yorlah nau Păng yô̆ nđach toyh ngăn; lơi ăn ôh gâp tŭp tâm ti bunuyh.”

II Nau Rêh Jêng 30:9

Yorlah tơlah khân may plơ̆ sĭt ma Brah Yêhôva, phung oh nâu khân may, jêh ri phung kon khân may mra geh nau yô̆ tanăp măt phung nhŭp khân păng, jêh ri khân păng mra dơi plơ̆ sĭt tâm n'gor aơ. Yêhôva Brah Ndu khân may geh nuih n'hâm ueh jêh ri vay yô̆ nđach, mâu mra ndôn kơi bơh khân may, tơlah khân may plơ̆ sĭt ma Păng.”

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 1:2

Păng geh pơh kon bu klâu jêh ri pe kon bu ur.

Ndrom Samƀŭt bơh Yôp 2:10

Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Ndrom Samƀŭt bơh Yôp 23:10

Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Nau Mprơ Ơm 103:13

Brah Yêhôva yô̆ nđach phung klach yơk ma Păng, Nâm bu mbơ̆ yô̆ nđach ma kon păng.

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 116:5

Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

Nau Mprơ Ơm 119:132

Dăn May n'gĭl uănh jêh ri yô̆ nđach ma gâp, Tĭng nâm nau May vay ƀư đah phung rŏng ma amoh May.

Nau Mprơ Ơm 145:8

Brah Yêhôva ăn nau ueh ƀaƀơ, vay yô̆ nđach Mâu gơnh duh nuih jêh ri bêng nau ueh.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Mprơ Ơm 94:12

Ơ Yêhôva, ueh maak yơh ma bunuyh geh nau Păng nduyh nkra Jêh ri nti nau vay May ăn,

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nơm Nti 7:8

Nglĕ dŭt du ntil kan ueh lơn ntơm saơm kan nây; Nau nsrôih ueh lơn ma nau sưr.

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

Luka 11:10

Yorlah mbu nơm dăn mra dơi geh, mbu joi mra saơ, jêh ri mbu goh ri mơ mpông mra pơk.

Luka 6:36

Yô̆ nđach hom tâm ban ma Mbơ̆ khân may yô̆ nđach.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Êphêsô 2:4

Ƀiălah Brah Ndu, jêng Nơm ndrŏng nuih n'hâm yô̆ nđach, yor Păng rŏng he ma nau rŏng dŭt prêh,

ហេឞ្រើ 10:39

Ƀiălah he mâu di jêng phung plơ̆ rŭch hăn tâm nau roh rai ôh, ƀiălah jêng phung bunuyh djôt prăp nau chroh gay ma huêng geh nau tâm rklaih.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 3:14

Ƀiălah tơlah khân may dơn nau rêh ni yor nau sŏng srăng, khân may geh ueh lăng ngăn. Lơi klach ma nau khân păng klach, mâu đŏng rdja nuih n'hâm;

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,