Yakơ 3:18 - Nau Brah Ndu Ngơi 2023

¹⁸ Phung bunuyh joi nau đăp mpăn mra rek kao play nau sŏng srăng hŏ srih jêh tâm nau đăp mpăn.

Bunong Bible Latin Script Cambodian dialect

¹⁸ Bu moh i kơl bu êng gŭ ta nau đăp mpăn ndrăng băl, păng i nây tâm ban ma bunuyh tuch nau đăp mpăn, jêh ri rek ma nau sŏng, gŭ rêh tâm di ma nau Kôranh Brah ŭch.

Bunong

¹⁸ ឞូ​ម៝ស​អី​កើល​ឞូ​អេង​គុ​តា​នាវ​ដាប់​មពាន់​នទ្រាង់​ឞាល់ ពាង់​អី​នៃ​តឹម​ឞាន​មា​ឞូនុយ្ស​តូច​នាវ​ដាប់​មពាន់ ជេសរី​រែក​មា​នាវ​ឆ៝ង់ គុ​រេស​តឹម​ទី​មា​នាវ​កោរាញ​ឞ្រាស​អុច។

Yakơ 3:18 ပူးပေါင်းရင်းမြစ်များ

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 11:28

Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Nau Hôr 11:30

Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Amôt 6:12

Geh lĕ bu ăn seh nchuăt ta klơ? Geh đŏng bu leo ndrôk kai lŭ nây? Ƀiălah khân may hŏ rgâl nau sŏng rlơ̆ jêng nkhơng dak si kăch, Jêh ri rgâl play sŏng srăng jêng nau rngot ngăn ngên.

Mathay 5:9

Ueh maak ngăn ma phung ƀư nau đăp mpăn, Yorlah mra kuăl jêng kon Brah Ndu!

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

Galati 6:8

Mbu nơm srih ma nglay săk mra bơh nglay săk rek nau rai yot; ƀiălah mbu nơm srih ma Brah Huêng Ueh mra bơh Brah Huêng Ueh rek nau rêh ƀaƀơ n'ho ro.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

ហេឞ្រើ 12:11

Lĕ rngôch nau nduyh nkra rnôk aơ nâm bu knŏng ƀư ma nau nđêh nji, mâu di jêng nau maak ôh, ƀiălah nar kăndơ̆ geh kao play nau sŏng srăng jêh ri nau đăp mpăn ma phung dơn jêh nau nsrôih nti tâm ban pônây.

Yakơ 1:20

yorlah nau kon bunuyh nuih mâu ƀư nau sŏng srăng Brah Ndu ôh.