Yakơ 3:17 - Nau Brah Ndu Ngơi 2023

¹⁷ Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Bunong Bible Latin Script Cambodian dialect

¹⁷ Yơn ma bunuyh i geh nau mân gĭt blao i tă bơh Kôranh Brah, lor bu jêng nau gŭ ngao păng ueh nâng, păng gŭ nau đăp mpăn đah bu êng, păng geh nuih n'hâm mleh rmên, nuih n'hâm blao iăt nau bu, geh nau yô̆ nđach hô ngăn, ndrel ma jan ndơ ueh ma bu, păng mâu ôh kơih bunuyh, jêh ri mâu geh đŏng nuih n'hâm ndŏp mpôn.

Bunong

¹⁷ យើន​មា​ឞូនុយ្ស​អី​គែស​នាវ​មឹន​គឹត​ឞ្លាវ​អី​តាៈ​ឞើស​កោរាញ​ឞ្រាស ល៝រ​ឞូ​ជេង​នាវ​គុ​ងាវ​ពាង់​អ្វែស​នឹង ពាង់​គុ​នាវ​ដាប់​មពាន់​ដាស​ឞូ​អេង ពាង់​គែស​នូយ្ស​នហ៝ម់​មលែស​រាមេន នូយ្ស​នហ៝ម់​ឞ្លាវ​អ្យាត់​នាវ​ឞូ គែស​នាវ​យោៈ​នអាច​ហោ​ងាន់ នទ្រែល​មា​ជាន​នទើ​អ្វែស​មា​ឞូ ពាង់​មោ​អោស​កើយ្ស​ឞូនុយ្ស ជេសរី​មោ​គែស​ដ៝ង់​នូយ្ស​នហ៝ម់​នទ៝ប់​មពោន។

Yakơ 3:17 ပူးပေါင်းရင်းမြစ်များ

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 3:9

Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

I Nau Rêh Jêng 22:12

Dăn ma Brah Yêhôva ăn ma may nau gĭt mĭn jêh ri nau gĭt rbăng gay may chiă uănh phung Israel jêh ri djôt prăp nau vay Yêhôva Brah Ndu may.

I Nau Rêh Jêng 22:9

Aơ, bu mra deh ma may du huê kon bu klâu, păng jêng du huê bunuyh đăp mpăn. Gâp mra ăn ma păng nau đăp mpăn, phung rlăng gŭ jŭm păng mâu mra hôm ôh ƀư rkhŭk păng; yor ri, amoh păng jêng Y-Salômôn. Tâm rô̆ păng, Gâp mra ăn phung Israel đăp mpăn, gŭ păn thơ.

Ndrom Samƀŭt bơh Yôp 28:12

Ƀiălah mbah ntŭk joi nau blau mĭn? Ta ntŭk nau gĭt rbăng gŭ?

Ndrom Samƀŭt bơh Yôp 28:23

Brah Ndu gĭt rbăng trong hăn tât ta păng, Jêh ri gĭt nanê̆ ntŭk păng gŭ.

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Ngluh Êjipt 36:2

Pôri Y-Môis kuăl Y-Bêsalel, Y-Ôhôliap jêh ri lĕ rngôch phung bunuyh geh ti blau, Yêhôva hŏ dơm jêh tâm nuih n'hâm nau blau mĭn, nđâp ma lĕ phung geh nuih n'hâm rŏng gay khân păng hăn pah kan.

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 32:6

Yorlah bunuyh rluk mra ngơi lĕ nau rluk, Nuih n'hâm khân păng mĭn ƀư nau mhĭk Gay ŭch ƀư nau ƀơ̆ ƀơch, Ngơi nau mhĭk đah Brah Yêhôva; Ƀư ma bunuyh ji ngot gŭ ndŭl hŏng, Jêh ri nơm ji hir mâu dơi nhêt dak.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Malachi 2:9

“Yor nây, Gâp ƀư ăn ma khân may plơ̆ jêng tâm rmot jêh ri bêk prêng tanăp măt lĕ rngôch bunuyh, yorlah khân may mâu djôt prăp ôh trong Gâp, ƀiălah khân may mpơl nau khân may gŭ du ding mpeh tâm nau vay.”

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Mathay 23:28

Khân may tâm ban lĕ, padih ƀư sŏng srăng tanăp bunuyh, ƀiălah tâm trôm khân may bêng ma nau djơh mhĭk jêh ri nuih n'hâm nklă.

Mathay 5:8

Ueh maak ngăn ma phung geh nuih n'hâm kloh ueh, Yorlah mra saơ Brah Ndu!

Mathay 5:9

Ueh maak ngăn ma phung ƀư nau đăp mpăn, Yorlah mra kuăl jêng kon Brah Ndu!

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Luka 6:36

Yô̆ nđach hom tâm ban ma Mbơ̆ khân may yô̆ nđach.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Kôranh Oh Mon 11:24

yorlah Y-Ƀarnaƀas jêng bunuyh ueh, bêng ma Brah Huêng Ueh jêh ri nau chroh. Geh âk bunuyh chroh ma Kôranh Brah.

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Samƀŭt Pôl Njuăl Ăn Ma Phung Nsing Ta Ƀon Rôm 12:18

Tơlah dơi, ăn lĕ nuih n'hâm gŭ rêh đăp mpăn ndrel ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

II Kôrintô 7:11

Pôri, khân may uănh hom, nau rngot rvê tĭng nâm nau Brah Ndu ŭch njêng jêh tâm khân may geh nuih n'hâm duh nđơr! Mâu knŏng kơt nây dơm, ƀiălah lĕ nau srôih ƀư kloh khân may nơm, nau ji nuih, klach kir, kâp gân nau duh nđơr, nau nduyh nkra đŏng! Khân may tâm mpơl jêh tâm lĕ rngôch bunuyh ma khân may mâu geh tih tâm kan nây.

II Kôrintô 9:10

Nơm ăn găr ntil ma nơm srih jêh ri piăng let jêng ndơ sông sa mra ăn găr ntil ma khân may jêh ri ƀư bĭk rơ̆ dŭt âk, lŏ ntop đŏng kao play ma nau sŏng srăng khân may.

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

I Têsalônik 2:7

Ƀiălah ta nklang khân may, hên hŏ gŭ ngao rdơ̆ rbăn nâm bu bunuyh sâm mpu mât rong phung kon păng nơm.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

II Timôthê 2:24

Oh mon Kôranh Brah mâu dơi tâm rlăch ôh, ƀiălah ăn geh nau dơh dăch đah lĕ rngôch, geh nau blau nti lah, blau ŭn nuih,

Titus 1:15

Ma phung kloh, lĕ ntil ndơ jêng kloh da dê; ƀiălah ma phung bunuyh ƀư blă blơ jêh ri mâu chroh mâu geh ôh du ntil ndơ kloh. Ƀiălah, lĕ nau mĭn jêh ri nuih n'hâm sŏng khân păng nơm geh nau djơh mhĭk jêh.

Titus 3:2

mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

ហេឞ្រើ 12:11

Lĕ rngôch nau nduyh nkra rnôk aơ nâm bu knŏng ƀư ma nau nđêh nji, mâu di jêng nau maak ôh, ƀiălah nar kăndơ̆ geh kao play nau sŏng srăng jêh ri nau đăp mpăn ma phung dơn jêh nau nsrôih nti tâm ban pônây.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Yakơ 2:4

Kơt nĕ, di lĕ khân may uănh jêng êng êng tâm phung khân may jêh ri phat dôih ma nau mĭn mhĭk nâm bu pônây?

Yakơ 3:15

Nau blau mĭn nĕ mâu geh tât bơh klơ trôk, ƀiălah jêng ndơ bơh neh ntu, bơh nglay săk jêh ri bơh phung brah mhĭk.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

I Pêtrôs 2:18

Jêng phung oh mon, khân may tông hom ma phung kôranh khân may nơm ma lĕ nuih n'hâm klach yơk, mâu knŏng ma phung kôranh rdơ̆ rbăn, ueh ngăn, ƀiălah nđâp ma phung kôranh geh nau mĭn mhĭk tâm ban lĕ.

I Yôhan 3:18

Hơi phung kon jê̆, lơi rŏng tâm nau ngơi jêh ri ta mbung mpiăt, ƀiălah rŏng hom tâm nau kan jêh ri ma nau nanê̆ ngăn.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.