Yakơ 3:14 - Nau Brah Ndu Ngơi 2023

¹⁴ Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

Bunong Bible Latin Script Cambodian dialect

¹⁴ Yơn ma lah geh nuih n'hâm mâu nach dŭt hô ngăn, ndrel ma gĭt ma săk păng nơm dơm, lah ndri lơi dâng n'hi êng săk geh nau mân gĭt blao, yorlah jan kơt nây jêng nau mƀrôh tâm rdâng nkhơng đah nau ngăn.

Bunong

¹⁴ យើន​មា​លាស​គែស​នូយ្ស​នហ៝ម់​មោ​នាច​ទុត​ហោ​ងាន់ នទ្រែល​មា​គឹត​មា​ឆាក់​ពាង់​នើម​ទើម លាស​នទ្រី​លើយ​ទឹង​នហី​អេង​ឆាក់​គែស​នាវ​មឹន​គឹត​ឞ្លាវ យ៝រ​លាស​ជាន​កើត​នៃ​ជេង​នាវ​មរោស​តឹម​រាទ៝ង់​ងខើង​ដាស​នាវ​ងាន់។

Yakơ 3:14 ပူးပေါင်းရင်းမြစ်များ

Nau Ntơm 37:11

Phung nâu tâm rmot ma păng, bi mbơ̆ păng kah gĭt nau ngơi nây.

Nau Ntơm 38:9

Ƀiălah Y-Ônan gĭt ma noi deh nây mâu mra jêng ma păng ôh, yor ri lah păng hăn gŭ đah ur nâu păng pôri dak ntil ƀư tŭp tâm neh gay mâu thoi ôh noi deh ma nâu păng.

II Phung Hađăch 10:16

Y-Jêhu lah: “Văch hom ndrel gâp jêh ri uănh nau gâp nsrôih nsram ma Brah Yêhôva.” Pôri khân păng hăn ndrel hao ncho klơ ndeh seh Y-Jêhu.

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

Ndrom Samƀŭt bơh Yôp 5:2

Yorlah nau rngot rvê nkhĭt bunuyh rluk mâl, Bi nuih n'hâm tâm nach ƀư nkhĭt bunuyh mleh.

Nau Hôr 14:30

Nuih n'hâm đăp rmên jêng nau rêh ma săk jăn, Bi nau rmot ƀư rai tâm nting.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Êsai 11:13

Aƀaơ, nau mâu nach tâm phung Êphraim mâu hôm geh, Bu mra ƀư rai lơi phung ƀư mhĭk ma phung Yuđa; Phung Êphraim mra mâu mra hôm mâu nach ma phung Yuđa, Jêh ri phung Yuđa mâu hôm ji nuih ma phung Êphraim ôh.

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Kôranh Oh Mon 13:45

Ƀiălah dôl saơ phung bunuyh nây phung Yuđa bêng ma nuih n'hâm mâu nach, tâm rdâng đah nau Y-Pôl nti lah jêh ri suai rak ma păng.

Kôranh Oh Mon 26:9

Nanê̆, lor panăp aơ gâp mĭn jêh joi lĕ rngôch nau tâm rdâng đah amoh Brah Yêsu bunuyh Nasaret.

Kôranh Oh Mon 5:17

Nôk nây kôranh ƀư brah toyh lơn jêh ri phung bunuyh tĭng păng, nâm bu ntĭt phung Sađusê, bêng ma nuih n'hâm mâu nach, dâk

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 2:17

Ƀiălah tơlah may geh amoh phung Yuđa; may nsing ma nau vay; may tâm rnê ma may nơm yor Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

I Kôrintô 13:4

Nau rŏng blau ŭn nuih, nau rŏng vay ƀư nau ueh; nau rŏng mâu geh tâm mâu nach, mâu lah n'hao êng păng nơm, mâu sưr rlau,

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:15

Ƀiălah tơlah khân may kăp rvăn ndrăng khân may mro, pôri njrăng hom, klach lah khân may ƀư rai băl ndrăng khân may nơm.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Galati 6:13

Yorlah phung nây dơn nau koh ntâu jêh ƀiălah mâu djôt prăp nau vay ôh, ƀiălah khân păng ŭch ma khân may dơn nau koh ntâu gay ngơi hưn ma tâm nglay săk khân may.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

I Timôthê 2:4

jêng Nơm ŭch ma lĕ rngôch bunuyh dơi klaih jêh ri gĭt năl nau ngăn.

I Timôthê 6:4

nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

Yakơ 3:16

Yorlah ta ntŭk geh nau tâm rmot jêh ri nau tâm djrel, ta nĕ geh nau uh ah jêh ri ăp ntil nau djơh mhĭk.

Yakơ 5:19

Hơi phung oh nâu gâp, tơlah du huê tâm phung khân may vĭ nhhơt ƀah ngai bơh nau ngăn, jêh ri geh du huê êng leo păng plơ̆ tay,